Módernisti með ríka áherslu á smáatriði og útfærslu. Ómeðhöndluð steypa, timburgrindur, opið skipulag og náið samtal húss og garðs.
Manfreð Vilhjálmsson (f. 1928 í Reykjavík, d. 2024) var einn helsti módernisti íslenskrar byggingarlistar. Hann lauk námi í arkitektúr frá Chalmers Tekniska Högskola í Gautaborg 1954, starfaði á teiknistofu Skarphéðins Jóhannssonar eftir heimkomuna og opnaði eigin stofu um 1959–60; síðar var hann meðal stofnenda Arkitekta ehf. Á rúmlega 60 ára ferli teiknaði hann allt frá einbýlishúsum, raðhúsum og sumarhúsum til Þjóðarbókhlöðunnar (með Þorvaldi S. Þorvaldssyni), Árbæjarkirkju, Nesti-bensínstöðvanna og skipulags Fossvogshverfis, auk húsgagna og innréttinga. Hann hlaut Menningarverðlaun DV (1980 og 1988), riddarakross fálkaorðunnar 1996, var kjörinn heiðursfélagi Arkitektafélags Íslands 2011 og fékk fyrstu heiðursverðlaun Hönnunarverðlauna Íslands 2019.