Fasteignaleitin

Íbúðaframboð í örum vexti

02 nóvember 2022
Mynd af Halldór Kári Sigurðarson
Halldór Kári Sigurðarson
Hagfræðingur Húsaskjóls
Húsnæðisverð á höfuðborgarsvæðinu hækkaði um 0,8% í september sem kom nokkuð á óvart en verðhækkunin á sér þó athyglisverðar skýringar. Verðþróun sérbýlis hefur verið mjög sveiflukennd skv. opinberum tölum og nú mældist 4,7% raunverðshækkun á sérbýli eftir 2,5% lækkun í mánuðinum á undan. Þessa mikla hækkun á sérbýli leiddi til húsnæðisverðshækkunar á höfuðborgarsvæðinu í september en þar með er ekki öll sagan sögð. Fjölbýli lækkaði nefnilega um 0,1% að nafnverði sem er fyrsta nafnverðslækkunin á fjölbýli í 26 mánuði.
En er eðlilegt að vænta þess áfram að húsnæðisverð lækki víst það gerði það ekki í september?
Heimildir: HMS, Hagstofa íslands og Greiningardeild Húsaskjóls
Í kjölfar kælandi aðgerða Seðlabankans hefur meðalsölutími íbúða aukist og ef litið er á veltutölur má sjá að dregið hefur úr fjölda viðskipta á höfuðborgarsvæðinu. Þannig er meðalfjöldi undirritaðra kaupsamninga undanfarna 3 mánuði (júl.-sept.) 24% minni en í meðalmánuðinum frá 2015 og til dagsins í dag.
Heimildir: HMS og Greiningardeild Húsaskjóls
Minni sala íbúða ásamt auknu framboði nýbygginga hefur síðan leitt til þess að íbúðaframboð hefur vaxið um 500 íbúðir á 2 mánuðum sem er helmingsvöxtur. Af þeim tæplega 1.600 íbúðum sem eru til sölu eru rétt rúmlega 600 nýbyggingar sem samsvarar 39% af framboðinu.
Í nýjustu mánaðarskýrslu HMS er síðan að finna áhugaverð umfjöllun um þróun íbúðaverðs á föstu verðlagi leiðrétt fyrir vaxtastigi. Þar kemur fram að vaxtaleiðrétt vísitala íbúðaverðs á höfuðborgarsvæðinu eru um 80% hærri núna en í byrjun árs 2021 sem lýsir því hversu hátt markaðurinn er verðlagður í dag þegar litið er til vaxtastigsins.
Sum þeirra landa í kringum okkur sem hafa verið í svipuðum verðbólgu- og vaxtarússíbana hafa nú þegar upplifað húsnæðisverðslækkanir. Þar á meðal má nefna Bandaríkin en Shiller húsnæðisvísitalan hefur nú lækkað tvo mánuði í röð, þá hefur húsnæðisverð einnig lækkað í Svíþjóð, Noregi, Nýja Sjálandi og Bretlandi svo dæmi séu tekin.
Lengri meðalsölutími, samdráttur í undirrituðum kaupsamningum, aukið framboð, húsnæðisverðslækkanir erlendis og sú staðreynd að tæplega þriðjungur útistandandi íbúðalána er á breytilegum óvertryggðum vöxtum bendir allt til að framundan séu húsnæðisverðslækkanir.
Greiningardeild Húsaskjóls

Vinsælar eignir

Skoða eignina Norðurgata 2B
Skoða eignina Norðurgata 2B
Norðurgata 2B
600 Akureyri
139.6 m2
Einbýlishús
413
451 þ.kr./m2
62.900.000 kr.
Skoða eignina Háaleitisbraut 103
3D Sýn
Opið hús:18. sept. kl 17:30-18:00
Skoða eignina Háaleitisbraut 103
Háaleitisbraut 103
108 Reykjavík
159.3 m2
Fjölbýlishús
514
606 þ.kr./m2
96.500.000 kr.
Skoða eignina Laugavegur 96
3D Sýn
Skoða eignina Laugavegur 96
Laugavegur 96
101 Reykjavík
145.9 m2
Fjölbýlishús
212
753 þ.kr./m2
109.900.000 kr.
Skoða eignina Skildinganes 4
Skoða eignina Skildinganes 4
Skildinganes 4
102 Reykjavík
86.4 m2
Fjölbýlishús
312
751 þ.kr./m2
64.900.000 kr.
Fasteignaleitin
Öflugur fasteignaleitarvefur með einföldu og notendavænu viðmóti sem býður upp á ítarlegar upplýsingar um fasteignir, þróun verðlags og fróðleik um fasteignamarkaðinn.
Hafðu samband
Hlekkir
Samfélagsmiðlar
© Copyright 2025 - Fasteignaleitin