Hjarðarhagi 48

Einstaklega falleg, björt og vel skipulögð 96,3 fm 4ra herbergja útsýnisíbúð á 4. hæð (efstu) auk 22,1 fm bílskúrs við Hjarðarhaga 48 í Reykjavík. Rúmgóðar svalir með útsýni út af stofu. Skipt var um glugga (stofa og eldhús) og svalarhurð 2019. Skipt um glugga í öllum 3 svefnherbergjum 2025. Ný rafmagnstafla í bílskúr 2023. Búið er að setja upp rafhleðslustöð við húsið sem íbúar hafa aðgang að.

Frá sumri 2025 hafa staðið yfir umfangsmiklar viðhaldsframkvæmdir á húsinu að utan á vegum húsfélagsins, skipt um þakjárn, endurnýjun glers og glugga, steypuviðgerðir og málun, niðurfallsrör, svalagólf, ný svalahandrið verða sett upp. Verkið er á áætlun, áætlað að því ljúki í september og mun núverandi eigandi ljúka greiðslu fyrir þær framkvæmdir. Sameign var máluð og teppalögð sumarið 2025.

Samkvæmt HMS er íbúðin skráð 92,7 fm, geymsla í kjallara skráð 3,6 fm og bílskúr 22,1 fm. Samtals er eignin skráð 118,4 fm.

Komið er inn í parketlagt hol með fatahengi. Eldhúsið er með snyrtilegri hvítri innréttingu með mjög góðu skápaplássi, veggháf og góðum glugga. Rúmgóð og björt parketlögð  stofa með útgengi á góðar svalir með útsýni. Svefnherbergin eru þrjú. Herbergin eru parketlögð og með fataskápum. Baðherbergi með flísum á gólfi og hluta veggja, speglaskáp fyrir ofan handlaug og baðkar með sturtuaðstöðu. Bílskúr (möguleg leigueining) er með rafmagni, ofn og rennandi köldu vatni.

Húsið er fjórar hæðir auk kjallara og stendur á 5.556 fm leigulóð. Stigagangurinn er með alls 9 íbúðum. Gott sameiginlegt þvottahús og sameiginleg hjólageymsla. Húsið stendur nálægt byggingu Háskóla Íslands. Stutt í grunnskóla og alla þjónustu. Eldvarnarhurðir eru í íbúðunum.

Nánari upplýsingar veitir Páll Þórólfsson , í síma 8939929, tölvupóstur pall@betristofan.is.