Kambsvegur 20

LIND fasteignasala og Helga Pálsdóttir löggiltur fasteignasali kynna 66,9 m2 íbúð við Kambsveg 20 íbúð 301, 104 Reykjavík. Um er að ræða bjarta og vel skipulagða 2-3 herbergja íbúð á 3. hæð í 5 íbúða fjölbýlishúsi. Út frá stofu er gengið út á góðar suð-vestursvalir. Fallegt útsýni er úr íbúðinni. Samkvæmt nýjum eignaskiptasamning er íbúðarhlutinn skráður 56,2 m2 , geymsla 6,2 m2 ásamt rislofti sem er skráð 4,5 m2. Fasteignamat 2026 verður 53.800.000 kr

Eignin skiptist í stofu / borðstofu, eldhús, 1-2 svefnherbergi, baðherbergi, geymslu, risloft og í sameign er sameiginlegt þvottahús. 

Helstu endurbætur síðustu ár
* 2025  Nýtt teppi sett á stigagang í sameign. Ný ljós og ljósrofar á stigagangi í sameign. Nýtt útiljós með hreyfiskynjara sett upp.
* 2024  Stigagangur í sameign málaður.
* 2023 Hús málað að utan. Svalir, gluggar og hurðir málaðar.
* 2022 Húsið var múr og sprunguviðgert að utan. 
* 2021 Neysluvatnslagnir endurnýjaðar.
* 2021 Skipt um gler og lista í stóra glugga í sameign á framhlið hússins. 
* 2020 Frárennslislögn endurnýjuð. 
* 2019 Skipt um járn á þaki og þak klæðning var lagfærð þar sem þurfti. Þakrennur endurnýjaðar.
* 2006 Dyrasími endurnýjaður
* 2002 Rafmagnstafla í sameign endurnýjuð 

Helstu endurbætur innan íbúðar
* 2023 Nýr bakaraofn og uppþvottavél.
* 2021 Ný blöndunartæki í sturtu á baðherbergi. 
* 2021 Ný blöndunartæki í eldhúsi.
* 2020 Nýr innfelldur ísskápur og frystir.
* 2015 Ný eldhúsinnrétting.
* 2007 Baðherbergi endurnýjað. 

Nánari lýsing: 
Forstofa: Komið er inn í rúmgott miðrými, hvítur háglans skápur er öðru megin í rýminu og hinu megin er innfelldur hvítur eldri skápur, parket á gólfi.
Eldhúsið er bjart með gluggum á tvo vegu og fallegu útsýni, hvít innrétting, innfelldur ísskápur og uppþvottavél, bakaraofn, borðkrókur, flísar á gólfi. 
Stofa og borðstofa er rúmgóð og björt, útgengi er úr stofunni út á suð- vestursvalir sem snúa út í garðinn, parket á gólfi. Búið er að stækka stofuna með því að opna vegg inn í svefnherbergi. Auðvelt er að breyta því til baka og bæta við öðru svefnherbergi.
Hjónaherbergi með litlu fataherbergi , parket á gólfi. 
Svefnherbergi tvö-  Búið er að taka niður vegg og gera svefnherbergið hluta af stofunni. Auðvelt er að breyta því til baka. 
Baðherbergi með hvítri innréttingu, upphengt salerni, handklæðaofn, sturta, flísalagt í hólf og gólf, opnanlegur gluggi.
Geymsla á jarðhæð er 6,2 m2. sérgeymsla merkt 103, með glugga og hillum.
Þvottahús er í sameign, hver og einn er með sína vél. Góðir gluggar eru í rýminu og útgengi í innkeyrslu á norður- austurhlið hússins. 
Risloft: Af stigapalli íbúðar er stigi/lúga upp á rúmgott risloft sem hægt væri að nýta á ýmsan máta.

Lóð: Sameiginleg 825 fm gróin lóð. Framan við húsið er stétt að húsi og grasi gróin lóð og á baklóð er stór og skjólsæll gróinn garður. Við hliðina á garðinum er leikvöllur. Bílastæði fyrir íbúðirnar á  3. hæð eru á norður- austurhorni lóðarinnar. 

Falleg og góð eign á rólegum stað miðsvæðis í Reykjavík þar sem stutt er í alla helstu þjónustu, skóla, íþróttamiðstöð, Skeifuna, Glæsibæ, Laugardalinn ofl. Allar upplýsingar um eignina veitir Helga Pálsdóttir fasteignasali í síma 822 2123 eða helga@fastlind.is