Tangagata 15

Rúnar Örn Rafnsson fasteignasali kynnir Tangagötu 15, Ísafirði.

Huggulegt einbýlishús með bílskúr á eignarlóð á besta stað á eyrinni. Húsið er timburhús og hefur verið töluvert endurnýjað á síðustu árum og setur fallegan svip á götumynd Tangagötunnar. Efri hæðin er undir súð og eru því nýtanlegir femetrar þar mun fleiri en skráningin segir til um. Birt stærð eignarinnar er skv. fasteignaskrá 135,1 m² sem skiptist þannig:
Aðalhæð 54,6 m². Efri hæð (undir súð) 22 m². Kjallari: 26,7 m² og frístandandi bílskúr: 31,8 m². Lóð eignarinnar er eignarlóð skráð: 224 m².
 
Aðalhæð:
Komið er inn í rúmgóða forstofu með góðum opnum skáp.
Úr forstofu er gengið inn í stórt þvottahús með góðu geymslurrými og vaski. 
Salerni er í rúmgóðu rými. Góðar innréttingar, sturtuklefi og flísalagt gólf.
Alrými hæðarinnar er bjart og parketlagt. Hol með góðum innbyggðum geymsluskáp, stofa, borðstofa og eldhús. Falleg hvít innrétting er í eldhúsi með góðu skápa og borðplássi og innbyggðri uppþvottavél. Úr eldhúsi / borðstofu er gengið út á verönd í bakgarði hússins. Úr stofu er stigi til efri hæðar. Einnig er hleri í holi alrýmis þar sem gengið er niður í kjallara hússins.

Efri hæð:
Komið er upp í gott og bjart parketlagt hol / sjónvarpsrými. Svefnherbergin eru þrjú með parketi á gólfum.
Öll efri hæðin er mun stærri en fermetratalan segir til um þar sem lofthæð er lægri undir súð, og þeir femetrar telja ekki í opinberum tölum.

Kjallari:
Gengið er niður í kjallara hússins í gegnum hlera í alrými aðalhæðarinnar. Rýmið í kjallaranum er skráð 26,7 m2.
Rýnið er nýtt sem geymsla og nýtist plássið mjög vel sem slíkt. Allar lagnir koma inn í kjallarann og eru því mjög aðgengilegar sé þess þörf.

Bílskúr:
Á lóð eignarinnar er bílskúr sem reistur var í kringum 1990. Skúrinn er 31,8 m2 skv. fasteignaskrá.
Ein hlið skúrsins er steypt en annað byggt úr timbri. Skúrinn er hrár að innan, að mestu óeinangraður, og hefur ekki verið fullkláraður.

Lóð / garður:
Bakvið húsið er skjólgóð afgirt lóð. Hluti lóðar er hellulagður, hluti er grasblettur og annað er malarlagt. Hægt er að ganga milli húss og bílskúrs inn á baklóðina.
Lóðin er eignarlóð.

Framkvæmdir að sögn eigenda:
2004 þegar núverandi eigendur keyptu var búið að einangra og klæða húsið að utan og skipta um þak. Frágangur á þaki, rennum og niðurföllum var klárað af núverandi eigendum.
2016 Þak heilmálað (hefur verið blettað síðan).
2017 Baðherbergi og þvottahús endurnýjað, klætt, einangrað, og skipt um lagnir bæði vatn og frárennsli í báðum rýmum.
2017 Herbergi á efri hæð (norður). Nýtt plastparket og nýr ofn.
2018 Útveggir byggðir upp og einangraðir ásamt loftklæðningu í alrými á aðalhæð, stofa og eldhús.
2021 Nýtt plastparket lagt á alrými, stofu og eldhús. Allt rafmagn endurnýjað. Nýir ofnar í stofu.
2021 Lokið við að skipta um öll gler í húsinu.
2021 Ný eldhúsinnrétting + ný tæki í eldhús. Skipt um allar lagnir, bæði vatn, frárennsli og rafmagn.
2022 Herbergi uppi (austur). Nýtt plastparket og nýr ofn.
2023 Nýr sturtuklefi settur upp í baðherbergi ásamt nýjum skápum (nema við vaskborð).
2025 Lokið við endurnýjun á herbergi á efri hæð (suður). Klæðning og einangrun endurnýjuð. Nýtt plastparket, raflagnir og ofn. Einnig lagað parket eftir þörfum í holi / sjónvarpsrými.
Húsið hefur verið málað að utan reglulega, þ.e. a.m.k. ein hlið á hverju ári. Þannig líður mest 4-5 ár á milli umferða.


Hér er um að ræða sérlega fallegt, gamalt og gott einbýli í Tangagötunni, sem margir telja fallegustu götu Ísafjarðar. Húsið stendur neðarlega á eyrinni og er því frábærlega staðsett á eignarlóð. Þær endurbætur sem gerðar hafa verið á húsinu síðustu ár gera eignina svo sannarlega mjög spennandi.


Nánari upplýsingar veitir:
Rúnar Örn Rafnsson, löggiltur fasteignasali
Fasteignasalan Grafarvogi
S: 771-5600
runar@fastgraf.is