Vallargata 38

eignasala.is kynnir eignina Vallargata 38, 245 Sandgerði, nánar tiltekið eign merkt 01-01, fastanúmer 226-8492 ásamt öllu því sem eigninni fylgir, þar með talið tilheyrandi lóðar og sameignarréttindi.
Eignin Vallargata 38 er skráð sem hér segir hjá FMR: Eign 226-8492, birt stærð 137.7 fm.
Vallargata 38, Sandgerði – Vel skipulögð og snyrtileg parhúsaíbúð með bílskúr og glæsilegri verönd
Um er að ræða fallega og vel við haldna parhúsaíbúð á einni hæð með bílskúr, staðsetta á rólegum og fjölskylduvænum stað í Sandgerði. Eignin er björt og rúmgóð með góðu skipulagi, þremur svefnherbergjum og skjólgóðri verönd með heitum potti.
Við inngang tekur á móti flísalögð forstofa með góðu skápaplássi. Þaðan er gengið inn í opið og bjart alrými þar sem stofa og borðstofa mynda notalegt samliggjandi rými með góðu plássi fyrir fjölskyldu og gesti. Úr stofu er útgengt á afgirtan timburpall með heitum potti og góðu skjóli.
Eldhús er snyrtilegt með viðarinnréttingu, góðu skápaplássi og vinnuaðstöðu. Tæki eru í vinnuhæð og gott flæði er á milli eldhúss og borðstofu.
Svefnherbergin eru þrjú, öll parketlögð og með fataskápum. Hjónaherbergi er rúmgott með góðu skápaplássi.
Baðherbergi hefur verið endurnýjað um áramót 2025–2026 og er mjög snyrtilegt með flísum á gólfi og veggjum, sturtu, upphengdu salerni og fallegri innréttingu.
Þvottahús er inn af bílskúr með góðri vinnuaðstöðu og geymsluplássi. Bílskúr er rúmgóður með hita og rafmagni og geymsluloft yfir hluta hans nýtist vel.
Lóðin er snyrtileg með afgirtu útisvæði, timburverönd, heitum potti og sér geymsluskúr. Innkeyrsla er steypt með hitalögn.
Um er að ræða fjölskylduvæna og vel skipulagða eign á góðum stað þar sem stutt er í helstu þjónustu.
Nánari upplýsingar á skrifstofu Hafnargötu 90a í síma 4206070 eða tölvupóstur julli@eignasala.is. og  joi@eignasala.is 

Gjöld sem kaupandi þarf að standa straum af vegna kaupa á fasteign:
1.    Stimpilgjald af kaupsamningi - 0,8% af heildarfasteignamati fyrir einstaklinga (0,4% ef um er að ræða fyrstu kaup) og 1,6% fyrir lögaðila.
2.    Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 3.800 af hverju skjali.
3.    Lántökugjald lánastofnunar – mismunandi á milli lánastofnana. Nánari upplýsingar á heimasíðum lánastofnana. 
4.    Umsýslugjald til fasteignasölu, kr. 43.400 með vsk.