Mýrargata 33

Nýtt í sölu - Mýrargata 33 Reykjavík (Héðinsreitur) - Glæsileg 3ja. herb. íbúð með vönduðum innréttingum og tækjum, fataherbergi, þvottaherbergi og svölum til suðurs inn í fallegan bakgarð hússins.

Lind fasteignasala / Heimir Hallgrímsson lögg. fasteignasali kynnir virkilega glæsilega og vel skipulagða 92,9 fermetra 3ja herbergja íbúð á 4. hæð (422) í nýlegu lyftuhúsi við Mýrargötu 33 í Reykjavík. Vandaðar innréttingar frá Axis með undirfelldum vaski og quartz-steini frá Granítsmiðjunni. Eldhústæki eru vönduð og flest af gerðinni Siemens frá Smith&Norland (bakaraofn, spansuðu helluborð, innbyggður kæliskápur með frysti. Uppþvottavél er innbyggð frá AEG). Góðar svalir til suðurs sem snúa inn í skjólgóðan bakgarð. Stofa og eldhús mynda eitt rúmgott alrými með gólfsíðum gluggum til suðurs. Sérgeymsla í kjallara er rúmgóð (10,9 fermetrar að stærð). Þvottaherbergi er innan íbúðar ásamt fataherbergi inn af hjónaherbergi. Gólfhitakerfi er í allri íbúðinni.

Möguleiki er að leigja eða kaupa stæði í bílakjallara.

Öll sameign er til fyrirmyndar og afar snyrtileg. Myndavéladyrasími er í húsinu. Flísar á sameiginlegu anddyri og teppi á stigapöllum. Lóðin er snyrtileg með hellulagðri stétt við hús. Arkitekt hússins er Arkþing/Nordic og innanhússhönnun var í umsjón Sæju.

Frábær staðsetning í næsta nágrenni við alla verslun, þjónustu og veitingastaði. Stutt í fallegar göngu- og hjólaleiðir við sjóinn. Íþróttasvæði KR og Vesturbæjarsundlaug í næsta nágrenni. Stutt í alla menningu og mannlíf sem miðbærinn og nágrenni hafa upp á að bjóða. Inngangar bæði frá bakgarði og Mýrargötu.

Hér er um að ræða einstaka eign á frábærum stað í þessu skemmtilega hverfi. 

Nánari lýsing:
Forstofa: Með harðparketi á gólfi, skápum og fatahengi.
Stofa: Er rúmgóð og með harðparketi á gólfi. Stofa er opin við eldhús og rúmar mjög vel setustofu og borðstofu. Gluggar eru gólfsíðir til suðurs og er útgengi á svalir frá stofu.
Svalir: Snúa til suðurs inn í fallegan skjólgóðan bakgarð.
Eldhús: Með harðparketi á gólfi. Falleg eldhúsinnrétting frá Axis sem nær upp í loft. Siemens bakaraofn, Siemens spansuðuhelluborð, innbyggð AEG uppþvottavél og innbyggður Siemens kæliskápur með frysti. Eldhús er opið við stofu og eru gluggar til suðurs. Lýsing undir efri skápum og fallegur quartz-steinn á borðum frá Granítsmiðjunni.
Hjónaherbergi: Er rúmgott með harðparketi á gólfi og gluggum til suðurs. Fataherbergi er staðsett inn af hjónaherbergi.
Fataherbergi: Með harðparketi á gólfi og opnum klæðaskápum sem ná upp í loft.
Svefnherbergi II: Er rúmgott, með harðparketi á gólfi og góðum skápum sem ná upp í loft. Gluggar til suðvesturs.
Baðherbergi: Er rúmgott með flísum á gólfi og hluta veggja. Gólfhiti á baðherbergi eins og öðrum rýmum. Flísalögð sturta með gleri og handklæðaofn. Falleg innrétting við vask og upphengt salerni. Útloftun.
Þvottaherbergi: Er staðsett inn af baðherbergi. Flísar á gólfi og innrétting. Tenglar fyrir þvottavél og þurrkara.

Sérgeymsla: Er staðsett í kjallara sem er 10,9 fermetrar að stærð.

Allar nánari upplýsingar veitir Heimir Hallgrímsson lögg. fasteignasali í síma 849-0672 eða á netfanginu heimir@fastlind.is