Klettatröð 4

Sunna fasteignasala ehf. og Marta Jónsdóttir, lögfr. og lfs., kynna Klettatröð 4, Reykjanesbæ. 

Um er að ræða um 670 fm stálgrindarhús, ásamt óskráðu millilofti sem er um 130 fm að stærð. Eignin er á lóð sem er 3.576 fm, og samkvæmt deiliskipulagi er nýtingarhlutfall lóðar 0,3. Af því leiðir að byggja má um 400 fm til viðbótar á lóðinni. 
Eignin er með um 10m lofthæð og nýlegu ca. 80 fm skrifstofu- og starfsmannarými sem var sérhannað fyrir eignina. Ofan á því rými má byggja aukalega eina hæð en rýmið er sérstaklega styrkt og hannað til að þola þungann af annarri hæð. Í skrifstofu- og starfsmannarýminu er sérlega góð aðstaða fyrir starfsmenn, auk eldhúss og kaffistofu. Skrifstofu aðstaðan rúmar vel 3-4 starfsmenn en það rými er mjög snyrtilegt með gluggum og parketlagt.

Eignin hefur nánast verið endurnýjuð að öllu leyti:
*Nýtt rafmagn er í eigninni (ný tafla, nýtt rafmagnsinntak og led lýsing),
*Allar hitalagnir hafa verið endurnýjaðar,
*Húsið er klætt að utan með nýjum yleiningum,
*Þak hefur verið yfirfarið og málað,
*Nýjar hurðir, þar af eru tvær háar og breiðar. Þá eru nýjar innkeyrsluhurðir í eigninni sem eru báðar rafdrifnar.

Í eigninni er öflugur brúarkrani (hlaupaköttur) fyrir miðju húsi, með allt að 5 tonna lyftigetu. Þá er önnur lyfta í enda hússins.
Lóðin er malbikuð og girt af að hluta.

Einstakt tækifæri á góðum stað. Mögulegt er að fá enn stærri lóð. 

Nánari upplýsingar veitir Marta Jónsdóttir, lögfr. og lfs., í síma 8633445 og netfanginu marta@sunnafast.is. 
____________________________