Rjúpufell 16

RE/MAX og Guðrún Lilja löggiltur fasteignasali kynna í einkasölu: Fallegt og vel skipulagt 146,5 fm. raðhús á einni hæð með bílskúr við Rjúpufell 16, 111 Reykjavík. Íbúðarými eignar er 124,7 fm. og skiptist í forstofu, eldhús, sjónvarpshol, stofu og borðstofu, þrjú svefnherbergi, baðherbergi og þvottahús. Stór og fallegur garður með skjólgóðri viðarverönd í suður.  Bílskúr skráður 21,8 fm.  
 
Góð og fjölskylduvæn staðsetning, stutt er í leik- og grunnskóla og alla helstu þjónustu. Jafnframt eru fallegar göngu og hjólaleiðir í næsta nágrenni.

KÍKTU Í HEIMSÓKN OG SJÁÐU EIGN Í 3D MEÐ ÞVÍ AÐ SMELLA HÉR

FÁÐU SÖLUYFIRLIT MILLILIÐALAUST MEÐ ÞVÍ AÐ SMELLA HÉR

Nánari lýsing:
Forstofa er flísalögð og með fataskápum.
Eldhús er flísalagt, með hvítum innréttingum og flísum á milli skápa. Vifta, helluborð og bökunarofn í vinnuhæð. Stór og bjartur opnanlegur gluggi.
Stofa og borðstofa er í björtu og opnu rými, nýlegt harðparket á gólfum.  Úr stofu er jafnframt útgengt út í garð með verönd sem snýr í hásuður.
Þrjú góð svefnherbergi.  Hjónaherbergi er með fataskápum og með útgengt út á verönd. 
Baðherbergi er flísalagt í hólf og gólf.  Falleg viðarinnrétting með góðu skápaplássi.  Upphengt salerni, baðkar og sturtuklefi.
Þvottahús er flísalagt og með skolvaski.
Garður er gróinn og fallegur og snýr í hásuður.  Geymslukofi í garði.
Bílskúr er með vatn og rafmagni, 21,8 fm. að stærð. Bílstæði íbúðar fyrir framan bílskúr og sameiginleg stæði á lóð.

Aðkoman að húsinu er mjög snyrtileg, hellulögð stétt með gróðri fyrir framan með snjóbræðslu og hellulagðri verönd til norðurs.  Þak var endurnýjað 2009 en nýlega yfirfarið og málað.  Skipt var líka nýlega um þak á bílskúrum.
Nýlegt harðparket frá Agli Árnasyni í opnu rými, borðstofu og stofu. Ofnar nýlega yfirfarnir og skipt var um þá að mestu.

Nánari upplýsingar og óskir um skoðun veitir Guðrún Lilja Tryggvadóttir, löggiltur fasteignasali í síma 867-1231, gudrunlilja@remax.is

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Um skoðunar- og aðgæsluskyldu: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Remax fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:  1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati.   2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.  3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana.   4. Umsýslugjald til fasteignasölu kr. 69.900 mvsk.