Lindarbraut 4

Glæsilegt atvinnuhúnæði á góðum stað með mikla nýtingarmöguleika
Til sölu er Lindarbraut 4 á Laugarvatni, reisulegt og rúmgott atvinnuhúsnæði á besta stað með fjölbreytta möguleika til rekstrar, þjónustu, gisti- eða menntatengdrar starfsemi. Eignin stendur á bökkum Laugarvatns og er glæsilegt útsýni yfir vatnið. Eignin er samtals 3.353 fm og stendur á 5.977 fm leigulóð, sem skipulögð er sem viðskipta- og þjónustulóð. Í eigninni hefur fjölbreytt starfsemi verið rekin í gegnum tíðina, meðal annars Húsmæðraskólinn á Laugarvatni, starfsemi Íþróttaháskólans á Laugarvatni og Hótel Edda yfir sumartímann um árabil.

Um er að ræða eign með mikla möguleika fyrir öflugan rekstur og framtíðarnýtingu. 
Helstu kostir eignarinnar:

• Stór og vel sýnileg eign á Laugarvatni 
• 3.353 fm atvinnuhúsnæði með fjölbreyttu skipulagi 
• 28 herbergi og fjölmörg skrifstofu-, kennslu- og geymslurými 
• Hentar fyrir gistiþjónustu, skólastarf, skrifstofur, þjónustu eða atvinnustarfsemi 
• Nýr dúkur á þaki frá 2023 
• Fallegt útsýni og góð staðsetning 

Nánari lýsing
Húsið er byggt árið 1967, steinsteypt og á tveimur hæðum með kjallara. Ytra byrði er í ágætu ástandi, þó að ljóst sé að viðhaldi hefur að hluta verið frestað í gegnum tíðina.
Á efri hæðum og í kjallara er að finna fjölbreytt rými, meðal annars:

• Skrifstofur og móttökurými.
• Salir og matsalsaðstaða.
• Tvenn iðnaðareldhús.
• Skólastofur og vinnurými.
• 28 tveggja manna herbergi með fataskápum og salernisaðstöðu.
• Snyrtingar, sturtuaðstaða, geymslur og stoðrými.
• Bílskúr og verkstæðisaðstaða í kjallarahluta.

Ástand og viðhald
Fyrir liggur að raflagnir, vatnslagnir og frárennslislagnir eru að stórum hluta upprunalegar. Gluggar og gler eru í ágætu heildarástandi. Nýr dúkur var lagður á þakið árið 2023. Rakaskemmdir eru til staðar á afmörkuðum svæðum eftir fyrri leka og eftirfylgni vegna þeirra er ólokið. Þá hefur einnig verið bent á raka í kjallara sem tengist hárri vatnsstöðu og leysingum, en fyrir liggja hugmyndir að úrbótum. 
 
Lóð og umhverfi
Eignin stendur á leigulóð og er lóðarleiga skráð kr. 539.000 á ári. Samningur um lóðina gildir til ársins 2074.
Lindarbraut 4 gæti hentað sérstaklega vel fyrir:

• gisti- og ferðaþjónustu en Hótel Edda var í mörg ár með starfsemi í eigninni á sumrin.
• skóla-, fræðslu- eða námskeiðsstarfsemi
• heilbrigðis-, meðferðar- eða endurhæfingartengda starfsemi
• skrifstofu- og þjónustukjarna
• fjárfesta sem leita að stórri eign með þróunarmöguleika

Áhugaverð fjárfesting fyrir aðila sem leita að stórri eign með fjölbreytta nýtingarmöguleika.