Heiðarbær Þingvellir

Valhöll kynnir: Sumarhús á mjög vel staðsettri á 4.638 fm útsýnislóð í landi Svínahlíðar við Þingvallavatn.
Sumarbústaðurinn er skráður 52,9 fm auk 10,2 fm smáhúss á lóð, samtals skráð 63,1 fm.
Bústaðurinn sjálfur hefur þó verið stækkaður með viðbyggingu sólskála til austurs með glæsilegu útsýni yfir Þingvallarvatn og er stærð hans um 95 fm. skv. fyrirliggjandi teikningum frá árinu 2004.

Nánari upplýsingar veitir Óskar H. Bjarnasen fasteignasali / lögfræðingur í gegnum netfangið oskar@valholl.is eða í síma 691-1931.

Nánari lýsing:
Götuheiti lóðar skv. deiliskipulagi er Grafningsvegur efri nr. 14. Landnúmer er L170188.
Bústaðurinn skiptist í forstofu, salerni, alrými sem saman stendur af stofu borðstofu og eldhúsi, sólstofu og svefnherbergi. Í alrými er svefn aðstaða fyrir tvo í koju. Nýleg kamína er í alrými.
Sólpallur er í kringum bústaðinn sem komin er þörf á að viðhald á. Á sólpalli er heitur pottur og þar er einnig sturtuaðstaða og geymsla. Við hlið inngangs er köld útigeymsla.
Sumarbústaðurinn stendur á útsýnislóð með glæsilegu útsýni yfir Þingvallarvatn og nærliggjandi náttúru.

Lóðin er skráð 3.750 fm í fasteignayfirliti HMS leigulóð til 50 ára og var leigusamningur endurnýjaður 2021. Samkvæmt uppfærðum lóðarleigusamningi og nýlega samþykktu deiliskipulagi er lóðin þó 4.638 m2. Lóðin er skógi vaxin og með glæsilegu útsýni yfir Þingvallavatn og til fjalla. Borhola liggur fyrir neðan lóðina og sér sumarhúsafélagið um rekstur borholunnar.
Skv. nýlega samþykktu deiliskipulagi er heimilt er að byggja um 140-230 m2 eign á þessari lóð (sjá nánar deiliskipulagskilmála sem nálgast má hjá fasteignasala). 
 
Þessi eign er spennandi kostur í alla staði. Er á eftirsóttum stað við Þingvallavatn, sem er einungis í 25-30 mínútna fjarlægð frá höfuðborgarsvæðinu.

Um skoðunar- og aðgæsluskyldu kaupenda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Valhöll fasteignasala bendir væntanlegum kaupendum á að kynna sér vel ástand eigna við skoðun og fyrir tilboðsgerð og að leita til sérfræðinga um nánari ástandsskoðun ef þörf er á. 

Forsendur söluyfirlits:   
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila. (0.4% við fyrstu kaup einstaklinga).
2. Þinglýsingagjald af kaupsamningi, veðskuldabréfi, veðleyfi o.fl.- kr. 3.800 af hverju skjali.
3. Umsýsluþóknun til fasteignasölu, sbr. kauptilboð.