Grundargata 82A

** Hafðu samband og bókaðu tíma fyrir skoðun ​- Svanþór Einarsson, löggiltur fasteignasali - svanthor@fastmos.is eða 698-8555 - Theodór Emil Karlsson, löggiltur fasteignasali - teddi@fastmos.is eða 690-8040  - Steingrímur Benediktsson, löggiltur fasteignasali - steingrimur@fastmos.is eða 862-9416 **

Fasteignasala Mosfellsbæjar kynnir: Mjög fallegt og vel skipulagt 150 m2 parhús á einni hæð, með innbyggðum bílskúr, í byggingu við Grundargötu 82A á Grundarfirði. Eignin er skráð 150 m2, þar af parhús 111,5 m2 og bílskúr 38,5 m2. Eignin  afhendist fullbúin að utan og innan, á byggingarstigi B4, samkvæmt skilalýsingu seljanda. Afhending verður í maí 2026.
Eignin skiptist í þrjú svefnherbergi, baðherbergi, gestasnyrtingu, þvottahús, forstofu, eldhús, stofu, borðstofu og bílskúr. 

Smelltu hér til að fá söluyfirlit sent

Verð kr. 91.900.000,-

Skilalýsing:
Teikningar: Allar teikningar liggja fyrir þ.e. aðalteikningar, sökkulteikningar, burðarvirkisteikningar, glugga- og hurðateikningar, lagnateikningar og rafmagnsteikningar.
Gröftur og fylling: Grafið er niður á fast og fyllt í með grófri möl sem er þjöppuð í lögum.
Sökklar: Sökklar eru staðsteyptir í kubbamót skv. teikningum. Steypa er af gerðinni S-250.
Botnplata: Einangrun undir plötu er 24kg/100mm plasteinangrun. Járnabinding er 6mm járnamottugrind. Steypa er af gerðinni S-250. Botnplata verður flotuð.
Lagnir og Hreinlætistæki: Skolp- og regnvatnslagnir eru tengdar fráveitukerfi í götu. Hitalagnir eru steyptar í gólfplötu (gólfhiti). Rör í rör kerfi er fyrir neysluvatn undir botnplötu og búið að leggja það upp í milliveggi og að staðsetningu hreinlætistækja. Hitatúpa verður uppsett og tengd fyrir gólfhita. Búið verður að leggja loftræstilagnir skv. teikningum og eins búið að setja upp og tengja loftræstisamstæðu. Hitakútur fyrir neysluvatn verður settur upp og tengdur. Hreinlætistæki fullfrágengin skv teikningum. Innbyggðir wc kassar og upphengdar skálar, sturtutæki og sturtusett. Ræstivaskur í þvottahúsi ásamt blöndunartækjum en ekki verður vaskur í bílskúr en stútar verða fyrir hann. Handklæðaofn á baðherbergi.
Útveggir: Útveggir eru byggðir upp úr styrkleikaflokkuðu timbri, 45x145mm og klæddir með 9mm krossvið að utan til stífingar. Útveggjaklæðning er báruál álklæðning samkvæmt nánari útlistun seljanda. Einangrað er í útveggi með þéttull og þar innan á verður sett rakavarnarlag og lagnagrind. Gifsklæðning á útveggi verður einfalt 15mm Fermacell gifs.
Innveggir: Almennir innveggir verða úr 70mm blikkgrind, klæddir báðum megin með 2*13mm gifsplötum og einangraðir með 45mm þilull. Veggir á baðherbergi verða klæddir með rakaheldu gifsi. 
Brunaveggur milli íbúða: Brunaveggir milli íbúða eru byggðir upp úr 2x45x95mm timburgrind með loftrúmi á milli, einangraðir með 95mm þilull í veggjum og klæddir með 2x13mm gipsi beggja vegna íbúðarmegin, utan á það kemur lagnagrind og aftur 2x13mm gifsklæðning, skv. teikningum.
Brunaveggur milli íbúðar og bílskúrs: Brunaveggur milli íbúðar og bílskúrs er byggður upp úr 45x95mm timburgrind, einangraður með 95mm þilull og klæddur með 2x13mm gipsi bílskúrsmegin 1x13mm gipsi íbúðarmegin og utan á það kemur svo lagnagrind og 2x13mm gifsklæðning.
Þak og loft: Þak er byggt upp úr kraftsperrum, klætt með borðvið. Þakdúkur frá Siga og ofan á þakpappa eru settar lektur svo er klætt með ólituðu aluzink bárujárni. Þak er einangrað með 200mm þakull með áföstum vindpappa, þar neðan á kemur rakavarnarlag. Í votrýmum verður klætt með einföldu gifsi en í bílskúr verður 2x13mm gifs. Loft á gangi, stofu, eldhúsi og herbergjum verður með hvítum hljóðvistardúk.
Þakskegg: Þakkanturinn er þrjú borð – vatnsklæðning, undirklæðningin er úr timbri. Rennur eru innbyggðar í þakskegg og eru úr áli, tengdar fráveitukerfi í götu. Niðurfallsrör eru úr sama efni. Flasningar eru yfir rennum og á þakkanti. Allur þakkantur er málaður með hvítri Jotunn Trebitt fúavörn.
Gluggar og hurðir: Glugga og hurðakarmar eru ál-tré frá Nordan, málaðir hvítir að innan og með álkápu í sama lit , þrefalt gler er í öllum gluggum. Bílskúrshurð er hefðbundin hvít flekahurð með rafmagnsopnara.
Frágangur lóðar: Lóðir skilast þökulagðar en mulningur er á þeim svæðum sem ætluð eru fyrir sólpall samkvæmt teikningu nema að norðanverðu út af hæðamun á milli lóða, þar verður búið að setja sólpall meðfram norðurgafl. Svæði fyrir sólpall samkvæmt teikningu er jarðvegsskipt og því frostfrítt burðarlag. Búið er að skipta um jarðveg í bílaplani og setja í mulning og verður bílaplan steypt með kústaðri áferð. Steypt 4ja tunnu sorptunnuskýli fylgja fyrir hvort hús, hurðir og lok á sorptunnuskýli fylgja ekki.
Opinber gjöld: Gatnagerðargjöld eru að fullu greidd, þ.a.s. byggingarlóð, gatnagerð, byggingarleyfisgjald og stofngjald holræsa. Inntaksgjöld vatns og rafmagns eru greidd. Skipulagsgjald kemur til greiðslu síðar og er ógreitt við afhendingu, (kaupandi greiðir 0,3% af brunabótamati).
 Raflagnir: Aðaltafla verður fullfrágengin og tengd heimtaug. Búið verður að leggja allar röralagnir og búið að draga í og setja upp vinnulýsingu í hvert herbergi. Hitatúpa verður tengd og búið verður að setja stýringu fyrir gólfhita. Eitt ljós verður komið í hvert rými og raflögn fullfrágengin að öðru leyti.
Málun: Allir veggir og loft verða fullspörtluð, slípuð, grunnuð og fullmáluð í hvítum lit.
Innréttingar, gólfefni og flísar: Innréttingar verða frá Ikea eða sambærilegt í eldhúsi ásamt fataskápum og baðherbergis- og þvottahúsinnréttingu. Gólf á baðherbergi, þvottahúsi og forstofu verða flísalögð og einnig tveir veggir á baðherbergi við sturtu. Gólf íbúðar verða lögð harðparketi, hvítar innihurðir verða uppsettar og frágengnar. Bakaraofn og helluborð fylgja en ekki ísskápur né uppþvottavél.
Bílskúr: Veggir og loft verða fullmáluð, gólf rykbundin. Brunahurð EICS30 verður sett í og frágengin milli bílskúrs og þvottahúss.