Engihlíð

Fasteignasalan Byggð 464-9955 - Einkasala

Um er að ræða jörðina Engihlíð ofan Árskógsstrandar 621 Dalvíkurbyggð. 

Í íbúðarhúsi eru samtals 5 svefnherbergi, 3 á efri hæð og 2 á neðri hæð. Á efri hæð er auk þess stofa og sjónvarpskrókur, eldhús og lítið baðherbergi. Á neðri hæð er auk svefnherbergja, baðherbergi, þvottahús og búr.  Íbúðarhúsið er orðið lélegt en unnið er að dreni fyrir utan en þeirri framkvæmd er ekki lokið. Vart hefur verið við raka í kjallara. Að öðru leiti þarfnast íbúðarhúsið viðhalds að innan sem utan. 
 
Útihús eru meðal annars votheysturnar tveir, lítið aðstöðuhús og hlaða, fjós með áburðarkjallara, mjólkurhús, fjárhús og refahús. Geldneyti eru að hluta í fjósinu og þá þarfnast þessar byggingar, fjós, mjólkurhús og geymsla viðhalds. Haughús er undir öllu fjósinu.
Fjárhús og hlaða sem við það stendur er einnig í lélegu ásigkomulagi en ekki er steypt gólf í hlöðu og fjárhús er með grindargólf. 
Ekki er steypt gólf í refahúsi en það nýtist vel sem geymsla fyrir t.d. ferðavagna eða annað.

Ræktað land er skráð 45 ha. en er í raun samkv. upplýsingum frá eiganda um 50 ha. og heildarstærð jarðar 62 ha. samkvæmt upplýsingum frá Búgarði, Búnaðarsambandi Eyjafjarðar. Jörðin á ekki land upp í fjall heldur afmarkast það af girðingu neðarlega til vesturs og þjóðvegi til austurs. Girðingar eru svo með norður- og suðurmörkum jarðar. Tekin er út lóð neðan og sunnan við íbúðarhúsið sem er ekki hluti af jörðinni Engihlíð. 

Engihlíð getur verið áhugavert tækifæri fyrir rétta aðila enda tún á sléttlendi og jörðin vel í sveit sett er varðar staðsetningu. Stutt er til Akureyrar, Dalvíkur og þá er Árskógsandur rétt neðan þjóðvegar. 

Gjöld sem kaupandi þarf að standa straum af vegna kaupanna:  
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila.    (0.4% við fyrstu kaup einstaklinga m.v. að lágmarki 50% eignarhlut).
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar -almennt 0,5-1,0% af höfuðstól skuldabréfs (nánari upplýsingar m.a. á heimasíðum lánastofnanna).
4. Umsýsluþóknun til fasteignasölu, sbr.kauptilboð. 


Frekari upplýsingar:
bjorn@byggd.is
greta@byggd.is
berglind@byggd.is
olafur@byggd.is

Skipagötu 16 á 2. hæð.
S:464 9955