Laugarnesvegur 106

Hraunhamar kynnir glæsilega þriggja herbergja íbúð á þriðju hæð í mikið endurnýjuðu fjölbýli við Laugarnesveg 106 í 105 Reykjavík. Eignin er skráð skv. FMR  81,9 fm að stærð, þar af íbúðarrými 72,7 fm og tvær geymslur kjallara, 2,1 fm og 7,1 fm hvor um sig. 

### Nýuppgert baðherbergi.
### Gott skipulag
### Frábær staðsetning.

Skipting eignarinnar: Forstofa, hol, stofa, borðstofa, eldhús, baðherbergi, tvö svefnherbergi, tvær geymslur og á jarðhæð er sameign,þ.e. er sameiginlegt þvottahús og hjóla-og vagnageymsla. 

Nánari lýsing: Komið inn í húsið um sameiginlegan inngang og gengið upp nýlega teppalagðan stiga.
Anddyri íbúðar er með parketi á gólfi og fatahengi.
Í íbúðinni eru tvö svefnherbergi, bæði með korki á gólfum og fataskápum.
Frá hjónaherbergi er útgengi á skjólgóðar svalir eignar (4,4 fm) sem snúa til suðurs.
Eldhús er með nýlegum kork á gólfi, fallegri innréttingu, glugga til norðurs, tengi fyrir uppþvottavél sem og þvottavél og þurrkara. Í innréttingu er gas eldavél, bökunarofn og gufugleypir.
Opið er frá eldhúsi og inn í stofu sem er rúmgóð og björt með parketi á gólfi og stórum gluggum til suðurs.
Baðherbergi er allt nýlega endurnýjað, hiti í gólfi og  með fallegri innréttingu, upphengdu salerni  og baðkar og þar er sturtuðastaða.  
Á baðherbergi er jafnframt handklæðaofn og gluggi með opnanlegu fagi.
Í kjallara eru tvær sérgeymslur íbúðar, sameiginleg hjóla- og vagnageysmla og sameiginlegt þvottahús þaðan sem útgengt er í fallegan og skjólgóðan sameiginlegan garð. 

Gólfefnin eru  nýlega pússað parket,  nýlegur korkur og flísar.

Skv.söluyfirlit  frá 2022  kemur fram  frá þáverandi seljanda að raflagnir endurnýjaðar sem og rafmagnstafla í íbúð árið 2016, innstungum og rofum fjölgað og settir ljósdeyfar í öll rými utan baðherbergis.
Á árunum 2017-2018 var hitakerfi húseignarinnar endurnýjað, skipt um frárennslislagnir í sökkli og brunna í lóð, fallstammar myndaðir og dren yfirfarið.Þá var rafmagn í sameign endurnýjað yfir sama tímabil sem og rafmagnstafla og skipt um ljós, hreyfiskynjara og dyrasíma.
Árið 2019 var húsið múr- og steypuviðgert og málað, teppi í stigagangi endurnýjað sem og útidyrahurð að framan, sameign í kjallara máluð og ljós í stigahúsi endurnýjuð. Þá var þak endurnýjað sumarið 2021 (járn, pappi og timbur eftir þörfum) og til stendur að skipta út gluggum þar sem þörf þykir og hafa seljendur nú þegar greitt hluta íbúðar.

Falleg og vel skipulögð íbúð í vel viðhöldnu húsi og í vinsælu hverfi þar sem stutt er í alla þjónustu. 

Nánari upplýsingar veitir Hlynur Halldórsson, löggiltur fasteignasali, s. 698-2603, hlynur@hraunhamar.is