Borgarrimi 6 íbúð 102

LÓB fasteignir kynna eignina Borgarrimi 6 íbúð 102, birt stærð 83,5m² íbúð í raðhúsi í byggingu í Reykholti. Nánar tiltekið eign merkt 01-0102, fastanúmer 2535219 ásamt öllu því sem eigninni fylgir, og fylgja ber þar með talið tilheyrandi lóðar og sameignarréttindi. Eignin mun skilast fullbúin að innan og utan, áætlaður afhendingartími er í lok apríl 2026. Vakin er sérstök athygli á því að hægt verður að sækja um hlutdeildarlán vegna kaupa á íbúðinni.

Eignin Borgarrimi 8 íbúð 101 er skráð sem hér segir hjá HMS: Eign 2535219, birt stærð 83,5 fm.
Um er að ræða i 83,5m² íbúð í 6 íbúða raðhúsi í Reykholti. Að utan er eignin klædd með beige/brúnni láréttri, viðhaldslausri, bárujárnsklæðningu og gluggalistum úr svörtu áli. Að innan verður eignin fullbúin með gólfefnum og innréttingum frá Parka. Möl í bílaplani, meðfram gafli hússins og fyrir aftan hús. Lóð verður þökulögð. Á gólfum verður ljóst harðparket í öllum rýmum nema votrýmum. Í þvottahúsi og baðherbergi verða gráar flísar á gólfi og gráar flísar í walk-in sturtuklefa á baðherbergi. Baðherbergisinnrétting með spegli frá Parka, walk-in sturta og upphengt salerni. Loftræsting í eigninni. 

Að innan skiptist eignin í anddyri, 3 svefnherbergi, baðherbergi, þvottahús og eldhús og stofu í einu alrými. Útgegnt í garð úr stofunni. Fataskápar í svefnherbergjum og anddyri. Hljóðvistardúkur í lofti með innfelldri led lýsingu. Hiti í gólfi. Í eldhúsi verður fullbúin eldhúsinnrétting frá Parka, með innbyggðum ísskáp, innbyggðri uppþvottavél, ofni og spanhelluborði á eldhúseyju. Gert ráð fyrir sætum fyrir 1-2 við eldhúseyjuna.

Eignin skilast með lokaúttekt en kaupandi greiðir skipulagsgjald þegar það verður lagt á af sveitarfélaginu.

Myndir af eigninni í auglýsingu eru af sambærilegri eign í raðhúsinu og mun útlit eignarinnar verða í svipuðum stíl og myndirnar gefa til kynna þótt að blæbrigðamunur kann að vera á litum á innréttingum og gólfefni. Klæðning utanhúss er einnig sambærileg og er á eigninni. 

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Lögmannsstofa Ólafs Björnssonar bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:  
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila, (0.4% við fyrstu kaup einstaklinga).
2. Þinglýsingagjald af kaupsamningi, veðskuldabréfi, veðleyfi o.fl.- kr. 3.800 af hverju skjali.
3. Lántökugjald lánastofnunar - almennt kr. 50.000 - 75.000. Sjá nánar á heimsíðum lánastofnanna.
4. Umsýsluþóknun til fasteignasölu kr. 55.000 + vsk.
5. Ef um nýbyggingu er að ræða þá greiðir kaupandi skipulagsgjald þegar það verður lagt á. Skipulagsgjaldið er 0.3% af endanlegu brunabótamati.