Bragagata 29

Nýtt á skrá! Opið hús - Bragagata 29A Reykjavík - þriðjudaginn 10. september klukkan 17:00 - 17:30

Lind fasteignasala / Heimir Hallgrímsson lögg. fasteignasali kynna fallega og sjarmerandi þriggja herbergja útsýnisíbúð á 3. hæð í steyptu fjölbýlishúsi við Bragagötu 29A í Reykjavík. Íbúðin er alls 59,0 fermetrar að stærð. Stórt geymsluloft er yfir íbúðinni sem er skráð 11,1 fermetrar að stærð en er þó mun stærra að grunnfleti þar sem stór hluti er undir súð. Afar fallegt útsýni er úr íbúðinni út á sundin, Keili og yfir Miðborgina. 

Húsið, sem er byggt árið 1923, lítur vel út að utan og ber þess merki að hafa fengið gott viðhald á undanförnum árum. Snyrtilegt rúmgott sameiginlegt þvottaherbergi á jarðhæð hússins. Falleg hellulögð stétt fyrir framan inngang hússins.

Frábær staðsetning í hjarta Miðborgarinnar þar sem stutt er í veitingastaði, verslun og þjónustu. Möguleiki er fyrir íbúa að fá bílastæðakort/íbúakort Reykjavíkurborgar gegn lágri greiðslu. Stutt er fallegar göngu- og hjólaleiðir við Tjörnina, Hljómskálagarðinn og Ægisíðuna. Leikskólar (Laufásborg og Grænaborg) og grunnskóli (Austurbæjarskóli) í næsta nágrenni. Menntaskólinn í Reykjavík í göngufjarlægð.

Nánari lýsing:
Stigapallur: Er teppalagður með glugga til austurs.
Forstofa/hol: Með parketi á gólfi og skápum.
Eldhús: Með flísum á gólfi og hvítri eldhúsinnréttingu. Stál bakaraofn, keramik helluborð, stál háfur og tengi fyrir uppþvottavél. Gluggar til austurs og suðurs.
Stofa: Með parketi á gófli og gluggum til vesturs. Afar fallegt útsýni út á sundin, til fjalla og yfir Miðborg Reykjavíkur.
Hjónaherbergi: Með parketi á gólfi og glugga til vesturs með fallegu útsýni.
Svefnherbergi: Með parketi á gólfi og glugga til vesturs.
Baðherbergi: Er rúmgott og hefur verið endurnýjað á smekklegan máta. Baðkar með sturtutækjum og sturta. Innrétting við vask og upphengt salerni. Tengi fyrir þvottavél/þurrkara og gluggi til austurs.

Geymsluloft: Er skráð 11,1 fermetrar en eru nokkuð stærra þar sem mikill hluti liggur undir súð. Velux þakgluggar eru á geymslulofti.

Þvottaherbergi: Er sameiginlegt á jarðhæð (einnig rými fyrir þvottavél og þurrkara á baðherbergi eins og fyrr greinir). Þvottaherbergi nýtist einnig sem sameiginleg geymsla fyrir húsfélagið.

Allar nánari upplýsingar veitir Heimir Hallgrímsson lögg. fasteignasali í síma 849-0672 eða á netfanginu heimir@fastlind.is