Fellsmúli 18

*FALLEG OG BJÖRT 4RA HERBERGJA ÍBÚÐ*
*ENDURNÝJAÐ ELDHÚS OG BAÐHERBERGI*
*HÚSGJALD AÐEINS KR. 10.757 Á MÁNUÐI*
 
Lögheimili eignamiðlun kynnir fallega og bjarta 4ra herbergja íbúð á 4. og efstu hæð.  Eignin er samtals 105,4 fm.  Útsýni er frá suður svölum og einnig frá herbergjum til Esjunnar og víðar.  Aðeins ein íbúð er á hverjum stigapalli.  Húsgjald er kr. 10.757 á mánuði.  Íbúð í kjallara er í eigu húsfélags og er í útleigu.  Frábær staðsetning miðsvæðis í Reykjavík.  Í næsta nágrenni er leikskóli, grunnskóli, verslanir, Miðbær verslunarkjarni, Kringlan, Skeifan með ýmis konar þjónustu, íþróttafélag o.fl.
 
Allar nánari upplýsingar veitir:
Eggert Ólafsson, löggiltur fasteignasali, í síma 893 1819, eggert@logheimili.is

Nánari lýsing:  Komið er inn í hol með tveimur fataskápum.  Rúmgóð og björt stofa/borðstofa er með útgengt á suður svalir með útsýni.  Í eldhúsi er endurnýjuð hvít innrétting, borðkrókur og opið á eina hlið inn í hol.  Svefnherbergisgangur er opinn inn í hol.  Hjónaherbergi er með fataherbergi.  Tvö barnaherbergi, annað með sér inngangi frá palli í stigahúsi og einnig er innangengt í það frá íbúð.  Í endurnýjuðu baðherbergi er skápur undir vask, baðkar, handklæðaofn og flísar í hólf og gólf.  Parket er á gólfum, nema á herbergjum þar sem er plastparket og á eldhúsi og baðherbergi eru flísar.  Sérgeymsla, ásamt sameiginlegri hjólageymslu og þvottahúsi, er á jarðhæð.

Annað:   Íbúð í eigu húsfélags er leigð út og renna leigutekjur í hússjóð. Á aðalfundi 2024 var samþykkt að fara í viðhald á gluggum og hurðum á jarðhæð. Samkvæmt Fasteignaskrá Íslands er íbúðin 88,1 fm., herbergi 11,8 fm. og geymsla 5,5 fm., eða samtals 105,4 fm.  Eignin er í útleigu til 31. maí, 2025 og yfirtekur kaupandi leigusamning við kaupsamning.  Mögulega getur eignin verið laus fyrr, með samþykki leigjanda.  Myndir í auglýsingu eru frá árinu 2019.

Skoðunarskylda:  Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Lögheimili eignamiðlun því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,4 til 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar skv. gjaldskrá.  Nánari   upplýsingar á t.d. heimasíðu lánastofnana.
4. Umsýslugjald til fasteignasölu, sbr. kauptilboð.