Hlaðbrekka 14

RE/MAX / Brynjar Ingólfsson kynnir: Parhús á tveimur hæðum við Hlaðbrekku 14 í Kópavogi, byggt árið 1975, samtals 212,70 m² að stærð, auk rúmgóðs óskráðs rýmis sem nýtt er sem sjónvarpsherbergi og geymsla á neðri hæð. Eignin er því nær 243 m².

Eignin býður upp á fjögur svefnherbergi og tvö baðherbergi. Bílskúr fylgir eigninni. Húsið er að mestu upprunalegt og þarfnast viðhalds, sem gefur nýjum eigendum tækifæri til að móta eignina eftir eigin smekk og þörfum og skapa sér nútímalegt og bjart heimili á eftirsóttum stað.

- Fasteignamat 2027 - kr. 130.250.000

Myndir í auglýsingu eru bara af efri hæðinni.

Efri hæð
Aðalrými eignarinnar með stofu, eldhúsi, hjónaherbergi og baðherbergi.
Anddyrið er rúmgott með skápum og hengi.
Hol: Rúmgott hol sem hægt er að nýta fyrir skrifborð eða sjónvarp.
Eldhús: Eldhúsið er með eldri hvítri innréttingu, efri og neðri skápum, innbyggðum ofni og helluborði. Parket á gólfi. Stórt búr/geymsla er innaf eldhúsi með hillum og góðu geymsluplássi.
Stofa og borðstofa: Stórt og bjart alrými með parketi á gólfi og áberandi bjálkum í lofti. Gluggar veita góða birtu og skapa notalega stemningu. Nægilegt pláss er fyrir bæði setustofu og borðstofu. Hringstigi liggur frá stofu niður á neðri hæð í sjónvarpsherbergið.
Hjónaherbergi: Eitt af svefnherbergjum eignarinnar er á efri hæð, með parketi á gólfi og góðri birtu. Fataskápur er til staðar.
Baðherbergi: Baðherbergi á efri hæð með baðkari og sturtu. Flísalagt í hólf og gólf.

Neðri hæð
Inngangur eignarinnar, þrjú svefnherbergi, baðherbergi og rúmgott óskráð rými.
Anddyri: Flísar á gólfi við innganginn, gott pláss fyrir yfirhafnir og skó. Gluggar veita góða birtu.
Svefnherbergi I, II og III: Þrjú svefnherbergi eru á neðri hæð.
Baðherbergi: Sturta, vaskur og klósett. Rýmið er fokhelt og ekki í notkun í dag.
Sjónvarpsherbergi og geymsla: Um 30 m² óskráð rými sem er nýtt sem sjónvarpsherbergi og geymsla. Tengist efri hæð með hringstiga og býður upp á fjölbreytta nýtingarmöguleika.

Bílskúr: Stakstæður bílskúr sem býður upp á geymslu og bílastæði.

Allar frekari upplýsingar um eignina veitir:
Brynjar Ingólfsson MSc, löggiltur fasteignasali í síma 666 8 999 / brynjar@remax.is