Álfatröð 7a

Vel staðsett íbúð í parhúsi, innst í botnlangagötu á Egilsstöðum. Fjögur svefnherbergi og stutt í skóla og íþróttamiðstöð.
Þak var endurnýjað 2023 (þakjárn, pappi og timbur). Ofnalagnir endurnýjaðar árið 2018. Inntak fyrir kalt vatn endurnýjað 2023.
Aðalinngangur er á efri hæð, forstofa þar er flísalögð og stigi á neðri hæð er í forstofu. Á efri hæð eru stofa og eldhús í opnu rými með útgengt á timburverönd með heitum potti í bakgarði. Eldri innrétting í eldhúsi hefur verið máluð. Baðherbergi efri hæðar er með nýlegum flísum á gólfi og allt til alls fyrir sturtu þó þar sé ekki sturta í notkun í dag. Eitt svefnherbergi með parket á gólfi og fjórföldum fataskáp er á efri hæð. 
Stigi á neðri hæð er í forstofu, ágæt lofthæð er á neðri hæð þó ekki sé um fulla lofthæð að ræða. Þrjú svefnherbergi með parket á gólfi eru á neðri hæð. Baðherbergi er á neðri hæð, þar er dúkur á gólfi og sturta. Nokkuð rúmgott þvottahús er í íbúðinni, þar er málað gólf og nokkuð hrátt rými sem útgengt er úr.