Langahlíð 3

Eitt Krúttlegasta hús Landsinns er á Bíldual & það gæti orðið þitt!


** LAUST TIL AFHENDINGAR VIÐ KAUPSAMNING **

Hér er um að ræða lítið timburhús sem stendur á einstökum útsýnisstað á horni Lönguhlíðar með útsýni út á sjó.
Húsið er skráð 53,6 fm. En það er töluvert stærra en uppgefnir fm segja til um.
Húsið er byggt í 2 hlutum, fyrst árið 1900 og svo árið 1902.

* Búið er að endurnýja ALLA glugga.
* Búið er að endunýja töluvert af klæðningu utanhúss.
* Búið er að endurnýja þak að hluta til.
* Verið er að smíða nýja útidyrahurð sem fylgir með húsinu


Lýsing á eign; Gengið er upp nokkrar tröppur að húsinu. Húsið stendur á hæð og því er dásamlegt útsýni frá framhlið hússins 
Lítil forstofa með geymslu innaf, þaðan er gengið inn í eldhúsið. Búið er að opna á milli rýma en í dag er eldhúskrókur þar sem áður var svefnherbergi.
Eldhúsið gengur svo í gegnum húsið, innrétting er á sitthvorum veggnum. Háfur er fyrir ofan helluborð, gert er ráð fyrir ísskáp við hlið innrétttingar.
Rúmgott hjónaherbergi með svalahurð út í garð og skápum. Gólfið er málað.
Baðhebergið er rúmgott með salerni, sturtu með góðu aðgengi, innréttingu og tengi fyrir þvottavél ásamt góðu snúruplássi. Gluggi er á baði.
Baðherbergi og svefnherbergið eru í nýbyggingu sem var endurnýjuð fyrir örfáum árum síðan, skúr sem stóð við húsið var endursmíðaður og nýttur sem svefnherbergi og baðherbergi.
Stofan er ágætlega rúmgóð með glugga á 2 vegu.
Hægt er að ganga niður í kjallara í gegnum lúgu á gólfi í eldhúsinu upp á gamla mátann, einnig er hægt að ganga inn í kjallarann um sér inngang utanfrá.
Í kjallara er baðherbergi sem búið var að gera upp fyrir þónokkrum árum en þegar að baðherbergið á efri hæðinni var útbúið var baðherbergið í kjallaranum tekið úr umferð og það er í dag nýtt sem saumastofa. Ágætis geymsla er fyrir innan saumastofuna í kjallaranum.

Þetta er sérlega sjarmerandi hús sem búið er að endurnýja töluvert sl. árin.