Hlíf 2

Fasteignasala Vestfjarða s. 4563244 - eignir@fsv.is - www.fsv..is - kynnir til sölu Hlíf 2 mjög góð og mikið endurnýjuð tveggja herbergja íbúð á  jarðhæð.
Um er að ræða fallega og vel nýtta íbúð þar sem töluverðar endurbætur hafa verið gerðar á síðustu árum, meðal annars ný eldhúsinnrétting með kvarts steinplötum, nýr fataskápur í svefnherbergi, nýlegir forstofuskápar, ný svalahurð og nýlegt parket á gólfum. Eign sem vert er að skoða.

Forstofa er opin og rúmgóð með nýlegum forstofuskápum sem veita gott geymslupláss.
Stofa er björt og rúmgóð með nýlegu parketi á gólfi. Útgengt er úr stofu út á lítinn pall þar sem búið er að setja nýja svalahurð. 
Mjög gott aðgengi er að íbúðinni frá þessum palli og er hægt að njóta útsýnis yfir bæinn.
Svefnherbergi er rúmgott með nýlegum fataskáp og parketi á gólfi.
Eldhús hefur verið endurnýjað með fallegri nýrri innréttingu. Kvartz steinplötur frá Rein eru á borðum sem gefa eldhúsinu vandað og glæsilegt yfirbragð. Gott skápa- og vinnupláss og ísskápur fylgir.
Baðherbergi er snyrtilegt með góðri innréttingu, með kvarts steinplötu og sturtuaðstöðu.
Á gólfum íbúðarinnar er nýlegt parket sem gefur henni hlýlegt yfirbragð.
Gluggakistur í stofu og svefnherbergi eru með kvarts steinplötu, sem er einstaklega þægilegt að strjúka af.
Íbúðinni hefur verið vel viðhaldið og er í góðu ástandi, nýmáluð og laus afhendingar.
Sérgeymsla fylgir.