Urriðalækur 20

Nýtt á skrá! Urriðalækur 20 Selfossi - Fallegt parhús á einni hæð með stórri verönd og heitum potti.

Lind fasteignasala / Heimir Hallgrímsson lögg. fasteignasali kynnir afar fallegt, vel skipulagt 115,5 fermetra parhús á einni hæð með tveimur svefnherbergjum á fjölskylduvænum og rólegum stað í lokuðum botnlanga við Urriðalæk á Selfossi. Eignin er samtals 115,5 fermetrar að stærð og skiptist í 90,5 fermetra íbúðarrými og 25,0 fermetra innbyggðan bílskúr með geymslulofti að hluta. Húsið er nýlegt (byggt árið 2020) og virkilega fallegt að utan sem innan. Aukin lofthæð er í húsinu, gólfhiti og innfelld lýsing í loftum með dimmerum.

Virkilega sjarmerandi og skjólgóð afgirt verönd í bakgarði með heitum potti (hitaveitu) og útiskýli/grillskýli. Hellulögð stétt framan hús.

Uppsetning rýma: Forstofa, gangur, rúmgott alrými sem skiptist í stofu, borðstofu og eldhús, 2 svefnherbergi, baðherbergi, þvottaherbergi. Snyrtilegur bílskúr með geymslulofti.

Nánari lýsing:
Forstofa: Með flísum á gólfi, aukinni lofthæð og innfelldri lýsingu í loftum.
Gangur: Með flísum á gólfi, skápum, aukinni lofthæð og innfelldri lýsingu í loftum.
Alrými: Skiptist í eldhús með eyju og rúmgóða stofu.
Eldhús: Er opið við stofu og borðstofu. Flísar á gólfi og gólfhiti. Falleg nýleg eldhúsinnrétting með eldhúseyju. Borðplötur frá Fantófell. Spansuðu helluborð, stál eyjuháfur, bakaraofn, uppþvottavél og stál kæliskápur með frysti. Gluggar til norðvesturs.
Stofa: Er rúmgóð með flísum á gólfi og aukinni lofthæð. Rúmar vel setustofu og borðstofu. Gluggar til norðvesturs og norðausturs. Útgengi á stóra verönd.
Verönd: Er afgirt, skjólgóð og með heitum potti. Grillskýli er staðsett á verönd og lítil útigeymsla norðvestan megin á lóð.
Baðherbergi: Flísalagt gólf og veggir. Stór flísalögð sturta með glerþili, falleg innrétting við vask og upphengt salerni. Aukin lofthæð og innfelld lýsing. Inngengt í þvottaherbergi frá baðherbergi.
Þvottaherbergi: Með flísum á gólfi og góðri innréttingu. Tengi fyrir þvottavél og þurrkara, vinnuborð og þvottasnúrur. Aukin lofthæð og útloftun.
Hjónaherbergi: Er rúmgott, með flísum á gólfi og góðum skápum. Aukin lofthæð og gluggar til norðausturs.
Svefnherbergi II: Er rúmgott, með flísum á gólfi og skápum. Aukin lofthæð og gluggar til suðvesturs og norðvesturs.

Bílskúr: Er 25,0 fermetrar að stærð og mjög snyrtilegur. Flísar á gólfi og bílskúrshurð með rafmagnshurðaopnara. Lítið milliloft í enda bílskúrs. Góð innrétting, vinnuborð og vaskur. Stýring fyrir heitan pott í garði og rafhleðslustöð. Inngangshurð.

Um er að ræða virkilega fallegt og vandað parhús í þessu vinsæla hverfi í Lækjunum á Selfossi. Stutt er í alla verslun og þjónustu, leikskóla og frábærar göngu- og hjólaleiðir.

Allar nánari upplýsingar veitir:
Heimir Hallgrímsson lögg. fasteignasali í síma 849-0672 eða á netfanginu heimir@fastlind.is.