Bæjarlind 7

Nýtt á skrá! Bæjarlind 7 Kópavogi - Bókið skoðun

Lind fasteignasala / Heimir Hallgrímsson lögg. fasteignasali kynnir afar glæsilega og vel staðsetta 3 herbergja íbúð með stæði í bílakjallara í lyftuhúsi við Bæjarlind 7 í Kópavogi. Um er að ræða íbúð með aukinni lofthæð (um 2,8 metra lofthæð). Alrými er stórt (yfir 50 fermetrar) og bjart með gluggum til suðurs. Útgengi á góðar 14,9 fermetra svalir til suðurs. Geymsla og hjóla- og vagnageymsla í kjallara.

Innréttingar eru virkilega fallegar og voru sérsmíðaðar hjá Axis. Borðplötur eru frá S. Helgasyni og blöndunartæki frá Tengi. Eldhústæki eru frá AEG.

Eignin skiptist í forstofu, stórt alrými sem skiptist í eldhús, borðstofu og setustofu, 2 svefnherbergi, þvottaherbergi, baðherbergi og rúmgóðar svalir. Sérstæði í lokuðum bílakjallara og geymsla í kjallara.

Nánari lýsing:
Forstofa: Með flísum á gólfi og góðum skápum.
Eldhús: Með harðparketi á gólfi og Axis innréttingum. Steinn frá S. Helgasyni er á borðum og undirfelldur vaskur. Eldhústæki eru frá AEG (bakaraofn, spansuðu helluborð, innb. uppþvottavél). Fallegur eyjuháfur er staðsettur yfir helluborði. Gluggar til suðurs. Útgengi á svalir.
Stofa: Er rúmgóð með harðparketi á gólfi. Rúmar vel setustofu og borðstofu. Gluggar til suðurs og útgengi á svalir.
Svalir: Eru rúmgóðar og skjólgóðar (14,9 fermetrar) og snúa til suðurs.
Hjónaherbergi: Með harðparketi á gólfi, skápum og glugga til norðurs.
Svefnherbergi: Með harðparketi á gólfi, skápum og glugga til suðurs.
Baðherbergi: Með flísum á gólfi og hluta veggja. Flísalögð sturta með glerþili. Axis innrétting við vask og spegill fyrir ofan með baklýsingu. Upphengt salerni, handklæðaofn og útloftun.
Þvottaherbergi: Með flísum á gólfi og góðri innréttingu með vask.

Bílastæði: Er sérmerkt í bílakjallara. Búið að setja upp grunnkerfi að rafhleðslukerfi. 
Geymsla: Er rúmgóð í kjallara (7,3 fermetrar). Mikil lofthæð (3,3 metrar) er í geymslu.
Hjóla- og vagnageymsla: Er rúmgóð og er staðsett í kjallara. Útgengi á lóð beint úr hjólageymslu.

Um er að ræða frábæra fjölskyldueign í þessu vinsæla hverfi í Lindunum Kópavogi. Stutt er í alla verslun og þjónustu, leikskóla og grunnskóla og íþróttasvæði. Stutt í fallegar hjóla- og gönguleiðir.

Nánari upplýsingar:
Heimir Hallgrímsson, lögg. fasteignasali / heimir@fastlind.is / 849-0672