Bakkatröð 22

Kasa fasteignir 461-2010.

Bakkatröð 22 - Falleg og vel skipulögð 3 herbergja, 101,9 fm raðhúsaíbúð á einni hæð í Hrafnagilshverfi í Eyjafjarðarsveit. 
Eignin skiptist í forstofu, hol, eldhús og stofu í opnu rými, tvö svefnherbergi, baðherbergi, geymslu og þvottaherbergi. Verönd með heitum potti og góðum geymsluskúr snýr í suður. 

Forstofa er með flísum á gólfi og góðum fataskáp.
Stofa og eldhús eru í opnu, rúmgóðu rými með parket á gólfi og gluggum í suður. Úr stofu er gengið út á fallega verönd með heitum potti og góðum geymsluskúr.
Eldhús er með snyrtilegri hvítri innréttingu með góðu skúffu- og skápaplássi og bakaraofni í vinnuhæð.
Svefnherbergin eru tvö, bæði með parket á gólfum og hvítum fataskápum. 
Baðherbergið er rúmgott með flísum á gólfi og fibo trespo klæðningu á veggjum. Þar er hvít innrétting, walk-in sturta með gler-skilrúmi, baðkar, upphengt salerni og handklæðaofn. Úr baðherberginu er útgengt útá pall og því gott aðgengi að heita pottinum.
Geymsla er innan íbúðar. Rýmið nýtist núna sem lítil skrifstofa, en þar er parket á gólfi og fellistigi uppá geymsluloft. 
Þvottaherbergi er með hurð til norðurs sem nýtist sem annar inngangur inn í íbúðina. Þar eru flísar á gólfi, skolvaskur og hvít innrétting með plássi fyrir þvottavél og þurrkara í vinnuhæð. Úr þvottaherberginu er aðgengi niður í steyptan skriðkjallara.

- Fyrir framan húsið er steypt stétt og bílaplan með hitalögnum.
- Einstaklega falleg verönd með heitum potti.
- Barnvænt hverfi og örstutt í skóla og íþróttamiðstöð.

Nánari upplýsingar í síma 461-2010 eða kasa@kasafasteignir.is

------------

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Kasa fasteignir benda væntanlegum kaupendum á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.

Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 

Gjöld sem kaupandi þarf að standa straum af vegna kaupanna:
1. Stimpilgjald sýslumanns af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati eignar.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á t.d. heimasíðu lánastofnana.
4. Umsýslugjald til fasteignasölu skv. kauptilboði.