Höfuðból 205

Miklaborg kynnir: Nýtt einstaklega glæsilegt og vandað sumarhús í náttúruparadísinni Landsveit í Rangárþingi ytra.Stór kjarrivaxin 1,1, hektara eignarlóð, gólfsíðir gluggar, suðurverönd og stórbrotið útsýni! 
Einstök fjallasýn, veðursæld og kyrrlátt umhverfi innan um mosavaxið hraun og birkiskóg gera Höfuðból að einstökum stað til að dvelja á. Húsið er um 138,2 fermetrar á einni hæð og verður afhent fullbúið að utan, tilbúið til innréttinga og með frágenginni lóð. Höfuðból er í um einnar og hálfrar klukkustundar akstursfjarlægð frá Reykjavík, 110 km.Ýmsar náttúruperlur lansins eru ekki langt undan, til dæmis Þórsmörk , Fjallabak Veiðivötn og Landmannalaugar.
Nánari upplýsingar: Viðar Böðvarsson: Viðskiptafræðingur, lögg fast, vidar@miklaborg.is, s.6941401 

Nánari lýsing Nánari lýsing:
Komið er inn í rúmgott anddyri í miðju hússins. Baðherbergi, gólfsíðir gluggar og rennihurð út á stóra suðurverönd eru í þessu rými.
Stofa, borðstofa og eldhús eru í opnu rými. Þar eru gólfsíðir gluggar, mikil lofthæð og óhindrað útsýni til fjalla og yfir sveitina.
Í húsinu eru þrjú rúmgóð svefnherbergi á sér gangi, ásamt baðherbergi. Úr baðherberginu er útgengt á verönd. Inn af baðherberginu er þvottahús/geymsla, þaðan er einnig útgengt. Heimreiðin og planið fyrir framan húsið er frágengið. 

 Arkitekt hússins er Gunnlaugur Ó. Johnson. Húsið er timburhús á steyptum sökkli. Hluti burðarvirkisins er stál. Gólfhiti er lagður í allt húsið og verður tengdur við jarðvarmadælu frá NIPE á kostnað seljanda. 
Gluggar og hurðir eru úr áli að utanverðu og tré að innanverðu, frá IdealCombi. Utanhúsklæðning er viðhaldslítil bandsöguð timburklæðning úr greni. Máluð og grunnuð af framleiðanda.Þakið er klætt tveimur lögum af ábræddum þakpappa. Veröndin er úr Bankirai harðviði frá Asíu sem ekki er nauðsynlegt að bera á. Yfirborðið er slétt og viðurinn gránar með tímanum ef ekki er borið á hann.

Deiliskipulag: Samkvæmt Deiliskipulagi er heimilt að byggja tvö hús á lóðinni, frístundahús og gestahús/geymslu; hús á einni hæð með mænishæð allt að 5 metrum. Aðalhús getur verið allt að 250 fermetrar og aukahús allt að 50 fermetrar. Nýtingarhlutfall má þó ekki vera hærra en 0,03. Á svæðinu hafa verið skipulagðar 20 lóðir.Umhverfi hússins er mosa og kjarrivaxið land með einstaka hávaxnari trjám. Skógræktarfélag Rangæinga hefur verið landeigendum innan handar með plöntur en í hrauninu vex sjálfsáinn birkiskógur. Útsýni úr húsinu og umhverfi þess er ægifagurt til allra átta og mörg þekkt fjöll eru í nágrenninu: Hekla, Búrfell, Bjólfell, Tindfjöll, Eyjafjallajöklull og Þríhyrningur.