Logafold 68

Domusnova og Ingunn Björg lgf. og Vilborg kynna fallegt og vel skipulagt 9 herbergja einbýlishús. Aukaíbúð með sérinngangi á jarðhæð með eigin fastanúmeri. Húsið er staðsett á einstaklega friðsælum og fallegum stað með óskertu útsýni neðst í botnlanga við Logafold í Grafarvogi. Eignin stendur á 825 m2 lóð með miklu næði á baklóð, engin byggð fyrir aftan húsið. Einstök veðurblíða innst í voginum. Birt stærð skv. fasteignaskrá HMS er 439,3 m2. þar af stærri eignin skráð 294,7 og er 37,2 m2 innbyggður bílskúr inni í þeirri fermetratölu. Á jarðhæð hússins er séríbúð sem skráð er 144,6 m2. Íbúðirnar eru skráðar á sér fastanúmer hvor um sig.
Fyrirhugað fasteignamat næsta árs er 210.600.000.

Hér er um að ræða einstaklega spennandi eign sem hentar stórfjölskyldunni. Einnig væri hægt að hafa góðar leigutekjur af íbúðinni á jarðhæð. 

Húsið skiptist á eftirfarandi hátt:
STÆRRI EIGNIN skiptist í rúmgott andyri, stórt og rúmgott eldhús, bjarta og fallega stofu með arni í opnu rými með borðstofu sem er með útgengi út á suðursvalir, þrjú svefnherbergi, sjónvarpsrými, vinnukrók, baðherbergi, þvottahús og bílskúr. Á neðri hæð er mjög rúmgott svefnherbergi, baðherbergi, stórt tómstundarými og geymslurými. Útgengi er úr hjónaherbergi út á svalir með tröppum sem liggja niður á fallega timburverönd sem snýr í suður með heitum potti og skjólveggjum.
MINNI EIGNIN er með sérinngangi og skiptist í stórar og bjartar stofur, rúmgóða garðstofu inn af stofu, eldhús sem einnig er inn af stofu, mjög stórt og rúmgott svefnherbergi með fataherbergi inn af, mögulegt er að skipta  rýminu í tvö góð herbergi, rúmgott baðherbergi og geymslu. Hellulögð verönd er fyrir framan inngang íbúðar.

Nánari upplýsingar veitir:
Vilborg Gunnarsdóttir löggiltur fasteignasali / s. 891 8660 / vilborg@domusnova.is

Nánari lýsing eignar:
STÆRRI EIGNIN
Forstofa : Fataskápur, flísar á gólfi. 
Stofa / borðstofa: Björt og rúmgóð stofa með arni í opnu rými með borðstofu. Gengið út á suðursvalir úr borðstofu. 
Eldhús : Rúmgóð viðar og sprautulökkuð innrétting, helluborð í eyju, ofn í vinnuhæð,  uppþvottavél, innbyggður ísskápur, flísar á gólfi. Léttur veggur skilur að eldhús og borðstofu og því er góður möguleiki á að opna á milli eldhúss og borðstofu.  
Sjónvarpshol : Parket á gólfi. 
Hjónaherbergi : Rúmgott með fataherbergi inn af. Útgenngt er út á suður svalir og þaðan niður á timburverönd með heitum potti. 
Barnaherbergi 1: Parket á gólfi, fataskápur. 
Barnaherbergi 2: Parket á gólfi, fataskápur. 
Baðherbergi : Góð innrétting með miklu skápaplássi, baðkar, handklæðaofn, upphengt salerni, gluggi með opnanlegu fagi. Flísar á gólfi og veggjum. 
Þvottahús :  Rúmgóð innrétting, gert ráð fyrir þvottavél og þurrkara í vinnuhæð, innangengt í þvottahús utan frá.
Bílskúr: Innangengt er í bílskúr úr þvottahúsi. Mjög rúmgóður 37 fm með extra breiðri bílskúrshurð. Bjartur með gluggum og gönguhurð. Flísar á gólfi. Hellulagt bílaplan með hitalögn í. Bílastæði fyrir þrjá bíla. Hitalögn er í öllum stéttum í kringum húsið og í botnlanganum sem liggur niður að húsinu. 
NEÐRI HÆÐ
Barnaherbergi 3:  Mjög rúmgott og bjart, laus fataskápur, parketi á gólfi.  
Baðherbergi 2:  Flísalagt í hólf og gólf. Sturta, handklæðaofn, lítil innrétting, salerni. 
Tómstundaherbergi: Mjög rúmgott, harðparket á gólfi. Samþykkt teikning liggur fyrir með heimild til að grafa út fyrir gluggum á austurgafli. 
Lóð og garður: Eignin stendur á 825 m2 lóð með miklu næði á baklóð, engin byggð fyrir aftan húsið. Einstök veðurblíða innst í voginum. Afar stór og fallegur garður með timburverönd sem snýr í suðvestur, ásamt heitum potti. Einnig er rúmgóð hellulögð verönd sem snýr til vesturs, hitalögn er í öllum stéttum í kringum húsið. Bakatil við húsið er fallega gróið svæði niður við voginn. Þar eru einnig göngu- og hjólastígar. 

MINNI EIGNIN   
Forstofa : Fataskápur, flísar á gólfi.
Stofa / borðstofa: Rúmgóð og björt, parket á gólfi. 
Eldhús: með fínni innréttingu, borðkrók, tengi fyrir uppþvottavél og flísum á gólfi. 
Sólstofa: Upphituð sólstofa er  útfrá stofu, parket á gólfi. Útgengt út á hellulagða verönd. 
Sjónvarpshol: Rúmgott, parket á gólfi.
Svefnherbergi : Rúmgott með fataherbergi inn af. Möguleiki á að breyta í tvö svefnherbergi. 
Herbergi: Gluggalaust rými sem notað hefur verið sem skrifstofa. 
Baðherbergi : Mjög rúmgott, mikið skápapláss, hornbaðkar með sturtuaðstöðu, tengi fyrir þvottavél. Flísalagt í hólf og gólf. 
Geymsla: Inn af skrifstofurými. 

Húsið og aðkoman:
Húsið er Aneby-hús frá Danmörku og er múrsteinsklætt timburhús á steyptri neðri hæð.  

Ath. Eignin er ekki skv. meðfylgjandi teikningum. 

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:

  Nýtt - Eignin er nýbygging.
  Upprunalegt - Seljandi veit ekki til þess að byggingarhluti hafi verið endurnýjaður.
  Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
  Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
  Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.