Ásvallagata 75

Hrafnkell á LIND kynnir Ásvallagötu 75 sem er virðulegt einbýlishús í funkisstíl á rólegum stað í vesturbæ Reykjavíkur.   
Húsið var teiknað af Þóri Baldvinssyni arkitekt árið 1933. 
Ásvallagata 75 er 264 fm. steinhús, tvær hæðir og kjallari auk geymsluriss sem gefur möguleika á auka rýmum.
Húsið stendur á grónni fallegri 463 fm. lóð.
Aukaíbúð (60fm.) er í kjallara með sérinngangi.    

Bókaðu skoðun og nánari upplýsingar:
Hrafnkell Pálmason Löggiltur fasteignasali / 690 8236 / hrafnkell@fastlind.is.

Á neðri hæð hússins er forstofa, hol, eldhús, borðstofa og samliggjandi stofur og vinnuherbergi. Gengið er út á skjólgóða verönd og af veröndinni eru tröppur út í garðinn. Hæðin er öll með nýlegu parketi.

Á efri hæð eru þrjú svefnherbergi og sjónvarpsherbergi auk tvískipts baðherbergis. Innbyggðir skápar eru í herbergjum auk rúmgóðs skáps í hjónaherbergi. Gengið er út á yfirbyggðar svalir af efri hæð.

Í kjallara er stórt þvottahús og geymsla.

Aukaíbúð í kjallara (60 fm.) er hlýleg íbúð með rúmgóðu svefnherbergi, stofu og eldhúsi í opnu rými, baðherbergi með þvottaaðstöðu og köld geymsla. Sérinngangur er í kjallaraíbúðina en einnig er innangengt úr aðalíbúð.

Árið 1951 var þakinu lyft og árið 1957 var byggt við húsið að sunnanverðu og það stækkað um 55 fm.
Húsinu fylgir gróinn garður með skjólveggjum og verönd. Mikið af fjölærum gróðri á lóð m.a. fallegt gullregn.

Húsinu hefur verið vel við haldið. Í öllu viðhaldi hefur þess verið gætt að halda í uppruna hússins og sýna arkitektúr hússins virðingu.
Skipt var um þakefni fyrir 10 árum, rafmagn hefur verið endurnýjað að hluta, byggð var verönd út í garð 2005, svalir voru yfirbyggðar 2011, skipt var um eldhúsinnréttingu 2015 og nýtt parket lagt á neðri hæðina og kjallaraíbúðina. 
Skipt var um alla glugga á suðurhluta hússins í ársbyrjun 2024 og í sumar var húsið málað að utan.

Þórir Baldvinsson arkitekt var einn af boðberum funkisstíls í húsagerðalist hér á landi sem hófst um 1930.

Staðsetningin er einstaklega góð í hjarta gamla vesturbæjarins. Stutt í leikskóla, skóla og verslun og þjónustu.

Ásvallagata 75, 101 Reykjavík, fastanúmer 200-2440 ásamt öllu því sem eigninni fylgir, þar með talið tilheyrandi lóðarréttindi.
Eignin Ásvallagata 75 er skráð sem hér segir hjá FMR: Eign 200-2440, birt stærð 263,5 fm.

Nánari upplýsingar veitir Hrafnkell P. H. Pálmason Löggiltur fasteignasali, í síma 690 8236, tölvupóstur hrafnkell@fastlind.is.

-----------------------------------------------------------------------
Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila 
    Fyrstu kaup - 0,4% af heildarfasteignamati
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.500 af hverju skjali.
3. Lántökugjald lánastofnunar
4. Umsýsluþóknun til fasteignasölu, sbr.kauptilboð.