Hlynsalir 1

Útsýnisíbúð í Hlynsölum.
Domusnova fasteignasala hefur fengið í einkasölu bjarta og fallega 116,9 m2, 3-4ra herbergja íbúð með sv-svölum og mjög góðu útsýni ásamt bílastæði í bílageymslu við Hlynsali 1 í Kópavogi. Íbúðin skiptist í tvö svefnherbergi og hægt að bæta við hinu þriðja, forstofu, baðherbergi, þvottahús, eldhús, stofu og borðstofu, sérgeymsla í sameign.  Góð staðsetning í hinu vinsæla Salahverfi þar sem stutt er í grunnskóla, íþróttahús, sundlaug heilsugæslu og verslanir. Góð eign á vinsælum stað, frábært útsýni. Nýtt fasteignamat tekur gildi 31.12.2025 og verður 86.650.000kr.  

Komið er inn í flísalagða forstofu. Úr forstofu er komið inn á gang með parketi á gólfi, stór skápur á vinstri hönd.
Til hægri eru tvö svefnherbergi með skápum og parketi á gólfi, auk þess er rými sem á teikningu er 3ja herbergið en það er opið en einfalt að loka því.
Físalagt þvottahús með innréttingu og skápum er á vinstri hönd ásamt baðherbergi sem er flísalagt í hólf og gólf, sturtuklefi og hvít innrétting. 
Af gangi er komið inn í bjarta stofu og borðstofu með parketi á gólfi. Úr stofu er gengið út á 12fm svalir, með svalalokun (90%) sem snúa til suðvesturs og er þaðan mjög gott útsýni til suð-austurs, suðurs og vesturs auk þess sem gott útsýni er úr stofu og báðum herbergjum.
Úr stofu og af gangi er komið inn í eldhús með L-laga eldhúsinnréttingu, granít á vinnuborðum. Mjög góð vinnuaðstaða er í eldhúsi.   
Íbúðinni fylgir sérgeymsla í sameign sem er 7,4fm að stærð.  Einnig fylgir íbúðinni sér bílastæði í lokaðri bílageymslu og er tengi fyrir hleðslu rafmagnsbíla við stæðið. Auk þess er sameiginleg vagna- og hjólageymsla og góð aðstaða og búnaður til þrifa á bílnum í bílageymslu.  
Sameign er vel um gengin og lítur vel út. Húsið er hraunað að utan og því viðhaldslétt.
íbúðin er laus við undirritun kaupsamnings.
Um er að ræða dánarbú og er tilboðsgjöfum bent á að skoða vel þar sem seljendur þekkja ekki ástand eignarinnar til hlítar og hafa aldrei búið í henni.

Frábær útsýniseign á þessum vinsæla stað.

Smellið hér til að fá söluyfirlit strax.

Nánari upplýsingar veita:
Árni Helgason löggiltur fasteignasali / s.663 4290 / arni@domusnova.is
Skrifstofa / s.527-1717 / eignir@domusnova.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:

  Nýtt - Eignin er nýbygging.
  Upprunalegt - Seljandi veit ekki til þess að byggingarhluti hafi verið endurnýjaður.
  Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
  Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
  Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.