Heiðarlundur 19

Nýtt á skrá! Heiðarlundur 19 Garðabæ - Glæsileg og mikið endurnýjuð fjölskyldueign á frábærum stað í Lundunum í Garðabæ.

Lind fasteignasala / Heimir Hallgrímsson lögg. fasteignasali kynnir afar glæsilegt, bjart og vel skipulagt 224 fermetra einbýlishús teiknað af Kjartani Sveinssyni við Heiðarlund 19 í Garðabæ. Húsið er með stórum stofum og fjórum svefnherbergjum.  Eignin er skráð 199,7 fermetrar skv. fasteignaskrá en er í raun 224 fermetrar þar sem 14,6 fermetra sjónvarpsstofa og 10,4 fermetra herbergi þar inn af er ekki inn í birtum fermetrum eignarinnar. Stór tvöfaldur 61,2 fermetra bílskúr og 972,0 fermetra lóð með rúmgóðri viðarverönd til suðurs með heitum potti (hitaveitu). Einnig er minni verönd framan við hús til vesturs sem fangar kvöldsólina. Gott plan er fyrir framan hús sem rúmar þrjár bifreiðar.

Húsið er mikið endurnýjað á árunum 2011-2012. Má þar m.a. nefna að þakið var endurnýjað, allt rafmagn og neysluvatns- og ofnalagnir endurnýjaðar að hluta. Þá var eldhús, baðherbergi, gólfefni, loft og innihurðir endurnýjað ásamt lýsingu í húsinu. Gólfhita var komið undir öllum flísum og í baðherbergi. Gluggar hafa auk þess verið endurnýjaðir að hluta. Suðurverönd var gerð árið 2025. Farið var yfir múr og útitröppur árið 2024-2025 og verönd til vesturs var gerð árið 2025. Þá er nýlegar búið að steypa vegg fyrir framan hús, mála og laga lóðina eftir þær framkvæmdir. 

Eignin skiptist í: Forstofu, hol, stofur (setustofu, borðstofu og sjónvarpsstofu), eldhús, svefnherbergisgang, hjónaherbergi, 3 barnaherbergi, baðherbergi og þvottaherbergi. Stór tvöfaldur bílskúr.

Staðsetning eignarinnar er afar góð á eftirsóknaverðum stað við Heiðarlund í Garðabæ þaðan sem stutt er í grunnskóla, leikskóla, fjölbrautarskóla, íþróttasvæði auk verslunar, þjónustu og veitingastaði. Fallegar hjóla- og gönguleiðir í næsta nágrenni. 

Nánari lýsing:
Forstofa: Er rúmgóð, með flísum á gólfi, góðum skápum og innfelldri lýsingu í loftum.
Hol: Með flísum á gólfi, aukinni lofthæð og innfelldri lýsingu í loftum.
Sjónvarpsstofa: Með flísum á gólfi, aukinni lofthæð og innfelldri lýsingu í loftum. Gluggar til suðurs og útgengi á suðurverönd/heitan pott.
Stofa: Er rúmgóð, með parketi á gólfi og rúmar vel setustofu og borðstofu. Innfelld lýsingu í loftum. Gluggar til austurs og vesturs.
Eldhús: Með flísum á gólfi og fallegri eikar eldhúsinnréttingu. Tvöfaldur LG kæliskápur, stál Blomberg bakaraofn, spansuðu helluborð, stál eyjuháfur og tengi fyrir uppþvottavél. Eldhús er bjart með stórum gluggum til vesturs.
Svefngangur: Með parketi á gólfi og innfelldri lýsingu í loftum. Gengið er inn í hjónaherbergi, 2 barnaherbergi, baðherbergi og þvottaherbergi frá svefngangi.
Baðherbergi: Með flísum á gólfi og veggjum. Gólfhiti. Baðkar með sturtutækjum og flísalögð sturta. Falleg innrétting við vask, upphengt salerni og handklæðaofn. Innfelld lýsing í loftum og opnanlegur gluggi til norðurs.
Þvottaherbergi: Með flísum á gólfi, innréttingu og tenglum fyrir þvottavél/þurrkara. Vaskur og opnanlegur gluggi til norðurs.
Hjónaherbergi: Er rúmgott, með parketi á gólfi, skápum og innfelldri lýsingu í loftum. Gluggar til vesturs og útgengi á rúmgóðar svalir til vesturs.
Svefnherbergi II: Er rúmgott, með parketi á gólfi, skápum, innfelldri lýsingu í loftum og glugga til austurs.
Svefnherbergi III: Með parketi á gólfi, skápum og glugga til austurs.
Svefnherbergi IV: Er staðsett inn af sjónvarpsstofu. Skápar, aukin lofthæð, innfelld lýsing í loftum og gluggi til austurs.

Bílskúr: Er tvöfaldur og stór, eða 61,2 fermetrar að stærð. Upphitaður, heitt/kalt vatn og vaskur. 

Fallegur og barnvænn garður með góðri tyrfðri flöt og stórri viðarverönd til suðurs og annarri minni til vesturs. Einnig er rúmgóð verönd sem afmarkast með hellum til suðasturs framan við hús með kvöldlýsingu. Steypt stétt/bílastæði og nýlega steypt aðkoma og tröppur að inngangi hússins. Virkilega falleg og sjarmerandi hús 

Allar nánari upplýsingar veitir:
Heimir Hallgrímsson lögg. fasteignasali í síma 849-0672 eða á netfanginu heimir@fastlind.is.