Jörvabyggð 12

Jörvabyggð 12 - Vel skiplagt 5 herbergja einbýlishús á einni hæð með bílskúr á vinsælum stað í botnlangagötu á suður Brekkunni - stærð 169,8 m², þar af telur bílskúr 28,0 m²

Eignin skiptist í forstofu, gang, eldhús, búr, stofu, borðstofu, sjónvarpshol, fjögur svefnherbergi, baðherbergi, snyrtingu og þvottahús.

Forstofa er með gráum flísum á gólfi, gólfhita og opnu hengi. 
Eldhús, hvít lökkuð innrétting með dökkri bekkplötu og flísum á milli skápa og parket á gólfi. Ágætur borðkrókur. Búr er inn af eldhúsinu, með parketi á gólfi, hvítri innréttingu og opnanlegum glugga.
Stofa, borðstofa og sjónvarpshol eru í opnu rými. Þar er parket á gólfi, gluggar til tveggja átta og hurð til vesturs út á steypta verönd með timbur skjólveggjum.
Svefnherbergin eru fjögur, öll með parketi á gólfi og þrjú með spónlögðum eikar fataskápum. Úr hjónaherbergi er hurð út á verönd.
Baðherbergi er með flísum á gólfi og veggjum, spónlagðri eikar innréttingu, wc, baðkari, sturtu, handklæðaofni og opnanlegum glugga. Hiti er í gólfi.
Snyrting er með flísum á gólfi, wc og handlaug.
Þvottahús nýtist sem annar inngangur inn í húsið. Þar eru flísar á gólfi, hvít innrétting og skápur og fellistigi upp á geymsluloft sem er yfir hluta íbúðar.
Bílskúr er með lökkuðu gólfi og hvítri innréttingu. Innkeyrsluhurð er með rafdrifnum opnara. Hiti er í bílaplani og stétt meðfram bílskúr og að þvottahúsinngangi, kynnt með affallinu.

Annað
- Hellulögð verönd er á bakvið bílskúr. 
- Heiturpottur er á baklóðinni. Stýring er staðsett í bílskúrnum. 
- Gler hefur verið endurnýjað að hluta og hluti rafmagnstengla.
- Um 7 m² geymsluskúr er á baklóð og fylgir með við sölu. 
- Leikkastali á baklóð fylgir með við sölu eignar. 
- Eignin er í einkasölu