Hrísmóar 1

Betri Stofan Fasteignasala ásamt Hreiðari Levý, lögg fasteignasala kynna fallega og bjarta 94,8fm íbúð á 3.hæð með tvennum svölum í lyftuhúsi að Hrísmóum 1, 210 Garðabær, nánar tiltekið eign merkt 03-03, fastanúmer 207-0680 ásamt öllu því sem eigninni fylgir, þar með talið tilheyrandi lóðar og sameignarréttindi. Íbúðin er afar vel skipulögð með rúmgóðu og fallegu stofurými með samliggjandi stofu og borðstofu. Glæsilegt útsýni yfir Arnarnesvoginn og út á Bessastaði úr borðstofu. Stofa í góðri tengingu við eldhús. Eldhús með ljósri innréttingu, borðkrók og aflokuðu búri. Útgengt út á suðvestur svalir úr eldhúsi með svalalokun. Innaf anddyri er þvottahús eignar með innréttingu fyrir þvottavél og þurrkara í vinnuhæð ásamt skolvask. Baðherbergi með sturtu, upphengdu klósetti og baðinnréttingu með skápaplássi, vask og stórum spegli fyrir ofan vask. Tvö rúmgóð svefnherbergi eru innaf stofu með skápum. Útgengt út á norðvestur svalir (kvöldsólin) úr hjónaherbergi. Falleg, björt og opin íbúð á besta stað í Garðabænum með alla helstu þjónustu og verslun í nokkra metra göngufjarlægð.

Eignin Hrísmóar 1 er skráð sem hér segir hjá FMR: Eign 207-0680, birt stærð 94.8 fm. Þar af er íbúð merkt 01 0303 skráð 90,9fm, geymsla merkt 01 0109 skráð 3,9fm. Þá eru svalir eignar skráðar samtals 16,6fm. Svalafermetrar eru ekki inni í birtum fermetrum.

Bókið skoðun hjá Hreiðari Levý, lögg.fasteignasala í síma 661-6021 eða hreidar@betristofan.is

Fasteignamat eignar fyrir árið 2026 skv. HMS er 72.050.000kr.

Húsið er steinsteypt, teiknað af þeim Herði Bjarnasyni arkitekt og fyrrverandi húsameistara ríkisins og Benjamín Magnússyni arkitekt. Húsið 11 hæðir, byggt árið 1984. Á hæðum 1-9 eru 4 íbúðir á hverjum palli, á 10.hæð eru 2 íbúðir. Sameign hússins er vönduð og vel um gengin. Á jarðhæð hússins er anddyrisbygging með nýlega endurnýjuðum myndavéladyrasíma og mótordrifnum hurðum. Hjóla- og vagnageymsla er á jarðhæð ásamt sérgeymslum íbúða og öðrum sameiginlegum rýmum. Lyfta er í húsinu og næg bílastæði við húsið. Rafhleðslutengingar fyrir bíla eru komnar upp á bílaplani. Öflugt húsfélag sem hefur góðar leigutekjur af íbúð á jarðhæð sem er í eigu húsfélagsins.

Frábær staðsetning við Garðatorg þar sem er að finna afar fjölbreytta verslun og þjónustu í nokkra metra göngufjarlægð, s.s. matvöruverslanir, heilsugæslu, tannlæknastofu, veitingastaði, ísbúð, apótek, snyrtistofa ofl. Skólar á leik-, grunn- og framhaldsskólastigi í göngufjarlægð ásamt íþróttasvæði Stjörnunar bæði að Ásgarði og í Mýrinni. Leik- og sparkvellir í nágrenninu ásamt sundlaug Garðabæjar. 

Nánari lýsing:
Anddyri: Upphengdir snagar. Gengið inn í þvottahús úr anddyri.
Þvottahús: Innan íbúðar. Innrétting með aðstöðu fyrir þvottavél og þurrkara í vinnuhæð. Neðri skúffur og efri skápar. Skolvaskur.
Baðherbergi: Flísalagt í hólf og gólf með opinni flísalagðri sturtu, upphengdu klósetti ásamt baðinnréttingu með skápum, vask ásamt stórum spegli fyrir ofan vask. Innbyggð lýsing í innréttingu fyrir ofan spegil.
Svefnherbergi I: Rúmgott með góðu skápaplássi. Útgengt út á norðvestur svalir, kvöldsólin.
Svefnherbergi II: Rúmgott með tvöföldum fataskáp.
Stofa: Opin, rúmgóð stofa og borðstofa. Björt með stórum fallegum gluggum til suðvesturs og norðvesturs. Afar fallegt útsýni úr norðvesturglugga yfir Arnarnesvoginn og til Bessastaða. Góð tenging við eldhús.
Eldhús: Ljós innrétting með góðu skápa og vinnuplássi ásamt borðkrók. Ísskápur og uppþvottavél innbyggt í innréttingu ásamt ofni, helluborði og eldhúsvask. Útgengt út á yfirbyggðar suðvestur svalir.
Búr: Innaf eldhúsi. Aflokað með upphengdum hillum
Geymsla: Sérgeymsla eignar á sameignargangi á jarðhæð.

Gólfefni: Parket á öllum gólfum íbúðar að undanskyldu baðherbergi og þvottahúsi sem eru flísalögð.

Lóð og bílastæði:
Lóðin Hrísmóar 1 er 3.567fm leigulóð í eigu Garðabæjar, leigð til 75 ára frá 1. janúar 1982. samkv. lóðaleigusamningi útgefnum þann 26.11.1984, móttekið þann 13.12.1984. Lóðin er óskipt, og hafa allar eignir jafnan afnotarétt af lóðinni sbr. 3.mgr. 34. gr. laga nr. 26/1994. Umhirða lóðar skiptist að jöfnu, en tilkostnaður við lóð skíptist skv. hlutfallstölum. Á lóð eru 36 ómerkt bílastæði á lóð samkvæmt afstöðumynd.

Rafmagnskostnaður:
Í húsinu eru sér rafmagnsmælar eru fyrir hverja eign og 1 mælir fyrir sameign allra. Rafmagn fyrir sameign allar skiptist að jöfnu og deilist jafnt.

Hitakostnaður:
Einn sameiginlegur hitamælir er fyrir húsið. Hitamælir er í inntaksklefa 0148. Húsið eru hituð upp með ofnum. Hitakostnaði fyrir húsið er skipt skv. 22 gr. reglugerő nr. 910/2000 um eignaskiptalýsingar á eftirfarandi hátt: Hitakostnaðar sameignar skiptist jafnt á milli 39 íbúða. Hitakostnaður íbúða skiptist milli 39 íbúða samkvæmt upphituðu brúttórúmmáli séreigna. Hitavatnsmælar eru í inntaksklefa 0148.

Nánari upplýsingar veitir Hreiðar Levý Guðmundsson löggiltur fasteignasali, í síma 661- 6021, tölvupóstur hreidar@betristofan.is.