Dalahraun 15

Vorum að fá í sölu virkilega fallega og nýlega 105,9 m²4ra herbergja íbúð á 2.hæð með sérinngangi. 
Dalahraun 15 er fimm íbúða steinsteypt tvílyft hús, einangrað og klætt að utan með álklæðningu.  Húsið er hannað af Nordic-Office of Architecture.
Á jarðhæð eru tvær íbúðir geymslur og hjóla- /vagnageymsla. Á efri hæð eru þrjár íbúðir.

Skipulag eignar: Anddyri/gangur, alrými með stofu, borðstofu og eldhúsi, þrjú svefnherbergi, baðherbergi/þvottahús og geymsla. Í sameign er hjóla- og vagnageymsla. Sameiginleg bílastæði eru á lóð þar af eitt sérmerkt stæði fyrir hreyfihamlaða.

Anddyri með fataskáp.
Stofan er rúmgóð með borstofu og útgengt á góðar svalir til suðvesturs með glæsilegu útsýni. Einnig er stofan einstaklega björt þar sem hún er endaíbúð og með góðum gluggum. 
Eldhús með fallegri hvítir innréttingu, eldunareyju sem er opin inn í stofu, tengi fyrir uppþvottavél og háf yfir eyju.  Góð Eldhústæki sem eru af gerðinni Electrolux,
Hjónaherbergi er mjög rúmgott með góðu skápaplássi.
Barnaherbergin eru tvö, bæði með fataskáp.
Baðherbergi með fallegri hvítri innréttingu, vegghengt salerni, walk in sturta með glerskilrúmi og handklæðaofn. 
Tenging fyrir þvottavél og þurrkara er á baðherbergi. 
Geymsla er í sameign á jarðhæð, ásamt sameigninlegri vagna- og hjólageymslu. 


Frágangurá húsi utanhúss
Húsið er byggt úr steinsteypu, einangrað og klætt að utan með álklæðningu. Þak er viðsnúið þak, steypt með halla með tvöföldu lagi af eldsoðnum tjörutappa. Svala- og stigahandrið eru zinkhúðuð með lóðréttum pílárum. Útiljós og rakaheldur rafmagnstengill eru á svölum. Gluggakerfi íbúða er ál-tré. Svalir og gangar eru steyptir. Snjóbræðsla í gangstétt fyrir framan hús er í hluta gönguleiða sem er hellulögð.
Hönnun, nánar um húsið.
Húsið er hannað af Nordic-Office of Architecture (áður Arkþing ehf) sem er mjög reynslumikil stofa sem hefur hannað mikið af eftirtektarverðum húsum á Íslandi. Verkhof ehf. sér um hönnun burðarvirkis og lagna.
Dalahraun 15 er fimm íbúða tvílyft hús. Á jarðhæð eru tvær íbúðir og hjóla- /vagnageymsla. 
Kambaland er nýtt hverfi í Hveragerði, vestast í Hveragerði upp við Kamba. Í Kambalandi mun rísa leik- grunnskóli í framtíðinni samkvæmt deiliskipulagi. 
Þegar núverandi þjóðvegur verður lagður niður og færður sunnar mun þjóðvegurinn vera nýttur sem tengibraut í Kambalandshverfið. Kambaland stendur ofar en önnur byggð í Hveragerði, þaðan er útsýni að Kömbunum, Hellisheiði, Ölfusi og austur að Ingólfsfjalli.