Kirkjuteigur 5

Fasteignamiðlun og Hreiðar Levý lögg. fasteignasali kynna fallega, sjarmerandi og mikið endurnýjaða 3ja herbergja íbúð með sérinngagni að Kirkjuteig 5, 105 Reykjavík, nánar tiltekið eign merkt 01-01, fastanúmer 201-8824 ásamt öllu því sem eigninni fylgir, þar með talið tilheyrandi lóðar og sameignarréttindi. Eignin skiptist í anddyri, gang, eldhús, baðherbergi, 2 svefnherbergi (minna skráð sem geymsla skv. teikningu) og stofa. Húsið er byggt árið 1942 og er fimm íbúða fjölbýlishús á tveimur hæðum auk kjallara. Húsið stendur á stórri, grónni og fallegri hornlóð í vinsælu og rólegu hverfi í Teigunum í Reykjavík. 

Hér má sjá videó af eigninni!

Bókið skoðun hjá Hreiðari Levý lögg. fasteignasala í síma 661-6021 eða hreidar@fastm.is

Frábær staðsetning í borginni með Laugardalinn í göngufjarlægð, eitt vinsælasta útivistarsvæði Reykvíkinga, enda er svæðið einstaklega heppilegt fyrir útiveru, skjólgott og gróðursælt með vel skipulagða göngu- og hjólastíga. Leikskólinn Hof og Laugarnesskóli er þá í aðeins nokkra mínútna göngufjarlægð. Laugardalurinn er jafnframt ein meginmiðstöð íþróttaiðkunar í Reykjavík og er þar að finna íþróttamannvirki svo sem Laugardalshöllina, Laugardalsvöllinn, Laugardalslaugina og Skautahöll Reykjavíkur. Glímufélagið Ármann og Knattspyrnufélagið Þróttur hafa sameiginlega æfingaaðstöðu í Laugardal sem tekin var í notkun árið 2007 og þar er æfingaaðstaða fyrir fimleika, frjálsar íþróttir, glímu, júdó, lyftingar, taekwondo o.fl Þá er frábær aðstaða fyrir líkamsræktaraðstað World Class Laugum í aðeins nokkra mínútna göngufjarlægð. 

Hér má lesa betur um Laugardalinn á vef Reykjavíkurborgar

Eignin Kirkjuteigur 5 er skráð sem hér segir hjá FMR: Eign 201-8824, birt stærð 53.5 fm. Allir séreignarfermetrar eru innan eignar.

Lóðin: Kirkjuteigur 5 er 1.229fm leigulóð. Lóðin er leigð til 75 ára frá 1. maí 2016 - 1. maí 2091. Á lóðinni er 3 bílastæði, óskipt og í sameign allra eignahluta. 

Húsið hefur fengið gott viðhald í gegnum tíðina þar sem ma.:
* Klæðning hússins endurnýjuð fyrir c.a. 13 árum. 
* Gluggakarmar voru yfirfarnir og lagfærðir fyrir nokkrum árum
* Skólp endurnýjað 2015.
* Drenað í kringum húsið 2015.

Hitakostnaður: Eitt hitaveituinntak sem kemur inn í þvottahús merkt nr. 0005 er sameiginlegt fyrir allar eignir í húsinu og þar er einn sameiginlegur mælir fyrir heitt vatn. Hitakostnaði er skipt í réttu hlutfalli við upphitað brúttómál. Hlutfall eignar er 18,66%

Nánari lýsing:
Anddyri: Gengið inn um sérinngang. Snagar á vegg.
Baðherbergi: Flísalagt í hólf og gólf. "Walk in" sturta með sturtuhengi, nýleg blöndunartæki. Klósett, baðskápur, vaskur fyrir ofan skáp og spegill. Upphengdir snagar.
Gangur: Tengir saman öll rými eignar.
Eldhús: Nýlega endurnýjuð innrétting með neðri skápum og opnum hillum, eldavél og háf yfir hellum. Borðkrókur.
Svefnherbergi I: 6,5fm að gólfleti. Gott barnaherbergi. Skráð sem geymsla skv. teikningu.
Svefnherbergi II: 11,1fm að gólfleti. Rúmgott með fataskáp.
Stofa: Björt og falleg stofa.

Gólfefni: Nýlegt harðparket á öllum gólfum að undanskyldu anddyri og baðherbergi sem eru flísalögð.

Sameign: Í kjallara er sameiginlegt þvottahús, hver með sína vél.

Afar falleg og sjarmerandi 3ja herbergja íbúð með sérinngangi í fallegu húsi á stórri og gróinni endalóð. Afar vinsælt hverfi í fallegu og grónu hverfi  með íþrótta og útivistarparadísina í Laugardalnum í nokkra mínútna göngufjarlægð. Leik og grunnskóli í nánasta nágrenni, Ásmundarsafn ásamt fjólbreyttri verslun og þjónustu allt í kring.

Nánari upplýsingar veitir Hreiðar Levý Guðmundsson Löggiltur fasteignasali, í síma 6616021, tölvupóstur hreidar@fasteignamidlun.is.