Klapparhlíð 32

Trausti Fasteignasala og Þorbjörn Geir Ólafsson, löggiltur fasteignasali, kynna til sölu bjarta og vel skipulagða 3ja herbergja íbúð á 2. hæð að Klapparhlíð 32 í Mosfellsbæ.
Íbúðin er 82,0 fm samkvæmt skráningu og er staðsett í snyrtilegu og viðhaldsléttu fjölbýlishúsi á eftirsóttum stað í Mosfellsbæ. Skipulag eignarinnar er gott og nýtist fermetrafjöldinn vel.
Eignin skiptist í forstofu, tvö svefnherbergi, rúmgóða og bjarta stofu, eldhús í opnu rými við stofu, baðherbergi og þvottahús. Frá stofu er gengið út á rúmgóðar svalir með fallegu og víðáttumiklu útsýni. Eigninni fylgir sérgeymsla auk aðgangs að sameiginlegri hjóla- og vagnageymslu. Lóðin umhverfis húsið er stór og snyrtileg og gott framboð er af bílastæðum við húsið.

Nánari lýsing eignar
Forstofa: Flísalögð og með fatahengi.
Hol/gangur: Tengir rými íbúðarinnar vel saman, parket á gólfi.
Stofa: Björt og rúmgóð stofa í opnu og skemmtilegu samspili við eldhús. Útgengt er úr stofu á góðar svalir með miklu útsýni.
Eldhús: Viðareldhúsinnrétting með góðu skápaplássi. Eldavél með háfi yfir, stæði fyrir uppþvottavél og flísar á milli efri og neðri skápa. Góður borðkrókur er við eldhúsið.
Svefnherbergi: Tvö góð svefnherbergi, bæði með fataskápum og parketi á gólfi.
Baðherbergi: Flísalagt með viðarinnréttingu og speglaskáp. Baðkar með sturtuaðstöðu.
Þvottahús: Sér þvottahús er inn af baðherbergi, flísalagt og þægilega staðsett innan íbúðar.
Geymsla: Sérgeymsla fylgir íbúðinni og er staðsett á hæðinni.
Sameign: Sameiginleg hjóla- og vagnageymsla er í húsinu.

Frábær staðsetning fyrir fjölskyldufólk
Klapparhlíð 32 er einstaklega vel staðsett í barnvænu og fjölskylduvænu hverfi þar sem öll helsta þjónusta er í næsta nágrenni. Stutt er í Lágafellsskóla, leikskólana Hulduberg og Höfðaberg, Lágafellslaug, íþróttaaðstöðu og líkamsrækt. Börn geta komist í skóla og helstu tómstundir án þess að þurfa að fara yfir fjölfarnar umferðargötur.
Hlíðavöllur, golfvöllur Golfklúbbs Mosfellsbæjar, er einnig í nágrenninu auk fjölbreyttra göngu- og útivistarleiða.
Hér er um að ræða bjarta, vel skipulagða og fallega staðsetta eign á eftirsóttum stað í Mosfellsbæ sem vert er að skoða.
Hér er sjón sannarlega sögu ríkari!

Nánari upplýsingar veitir Þorbjörn Geir Ólafsson Löggiltur fasteignasali, í síma 895-5198, tölvupóstur bjossi@trausti.is.