Hrísrimi 5

Sunna fasteignasala og Marta Jónsdóttir, lögfr. og lfs., kynna Hrísrima 5, íbúð 101, 112 Reykjavík. 

Um er að ræða bjarta og snyrtilega 2ja herbergja íbúð á jarðhæð með palli sem snýr í suðvestur. Íbúðin er 53,3 fm, og henni fylgir geymsla í sameign. Næg bílastæði eru við húsið og þar hafa hleðslustöðvar verið settar upp. 

Nánari lýsing:
Komið er inn í opið rými þar sem bæði stofan og eldhúsið eru. Harðparket er á gólfum. 
Eldhúsið er snyrtilegt með hvítri eldhúsinnréttingu, uppþvottavél, helluborði, viftu og bakaraofni. Lýsing er undir neðri skápum.
Gegnt eldhúsi er gert ráð fyrir þvottavél í snyrtilegri hvítri innréttingu með góðu skapaplássi. Tvöfaldur speglaskápur i alrýminu fylgir.
Úr stofu er útgengi á góðan pall sem snýr í suðvestur.
Svefnherbergið er með þreföldum fataskáp með speglum og útdraganlegum hillum. Harðparket er á gólfum.
Baðherbergið er með baðkari með sturtuaðstöðu, og hvítri innréttingu. Á gólfum eru flísar. 
Í sameign er stór geymsla, ásamt sameiginlegri hjóla- og vagnageymslu. 

**Gólfefni, eldhús og baðherbergi var endurnýjað í kringum árið 2018.**
**Húsið var tekið í gegn að utanverðu á árinu 2025 og var það sprunguviðgert og málað. Þá hafa gluggar verið endurnýjaðir eftir þörfum.**

Grunnskóli og leikskóli í göngufæri og göngustígar liggja um allt hverfið. Stutt er í fjölbreytta verslun, þjónustu og afþreyingu í Spönginni og Egilshöll. 
Virkilega snyrtileg og falleg eign á góðum stað sem vert er að skoða. Frábær fyrstu kaup!!

Nánari upplýsingar veitir Marta Jónsdóttir, lögfr. og lfs., í síma 8633445 og netfanginu marta@sunnafast.is.