Hvernig færðu besta verðið fyrir eignina þína?
4 mikilvæg atriði til að hafa í huga við sölu á fasteign
23 febrúar 2022
Páll Pálsson
Löggiltur Fasteignasali
Hverjar eru ástæður þess að sumar fasteignir seljast hratt og á háu verði, jafnvel yfir ásettu verði en aðrar eignir sitja lengi á markaðnum og enda með því að seljast undir markaðsverði?
Það fyrsta sem seljendur verða að hafa í huga er að því fleiri sem skoða eignina, því hraðar selst hún og á hærra verði. Það eru þúsundir eigna á fasteignavefjum á Íslandi sem hvorki seljast né skapa fyrirspurnir. Fæstir átta sig á því að meðaltíminn á söluskrá í janúar 2018 voru nærri 70 dagar. Hvað þarf að gerast svo fleiri en einn bjóði í eignina á sama tíma? Hvernig færðu sem flesta til að skoða eignina og gera tilboð? Hvernig færðu besta verðið?
1. Verðlagning - Mikilvægt er að hafa rétt ásett verð
Fáðu heiðarlegt(faglegt) verðmat frá fasteignasalanum þínum. Ekki hlusta á fasteignasala sem verðmeta bara eftir því sem þú vilt heyra. Helsta ástæða þess að fólk skoðar ekki eignina þína er vegna þess að eignin er verðlögð of hátt. Verðlegðu á réttu markaðsverði til að vekja áhuga tilvonandi kaupenda. Ekki fara í „mér finnst“ eða „ég held“ að verðið sé hitt og þetta fyrir eignina. Byggðu matið á sölutölum og fermetraverði í hverfinu og berðu eignina þína saman við eignir sem eru þegar í sölu og athugaðu hvernig gengur að selja þær o.s.frv. Við notumst við 5-10 aðferðir til að áætla hvað verðið á eigninni þinni ætti að vera og komum með tillögur um ásett verð. Það er enginn að hjálpa þér með því að segja bara það sem þú vilt heyra. Í mörgum tilfellum eruvæntingar seljenda mun meiri en markaðsverð gefur til kynna.
2. Markaðssetning
96% af þeim sem eru að leita að eignum skoða fasteignavefi og því eru góðar og fallegar myndir af eigninni lykilatriði. Myndir eru það fyrsta sem fólk sér af eigninni þinni og því er mikilvægt að þær séu teknar af fagaðila.
Auglýsingar í blöðum skila ekki eins miklum árangri og áður fyrr og því ber að fara varlega í þann kostnað. Þó er til undantekningar á þessu t.d. íbúðir sem hugsaðar eru fyrir 65 ára og eldri.
Opið hús: Nær 80% af smellum á eignina þína á netinu eru fyrstu 4-6 dagana. Mikilvægt er því að nota þann tíma til að auglýsa opið hús. Opin hús hafa reynst vel til að búa til spennu um eignina. Þegar eignin er komin á netið þá er um að gera að deila eigninni á samfélagsmiðlum og biðja vini og vandamenn um að deila. Best er að sýna eignina í dagsbirtu.
3. Ásýnd eignarinnar
Eignin hefur í raun mjög skamman tíma til að heilla væntanlega kaupendur. Fasteignaleitendur eru að miklu leyti búnirað mynda sér skoðun á eigninni við það að keyra að henni. Því er mikilvægt að ásýnd eignarinnar sé upp á sitt besta.
Taktu til í garðinum, innkeyrslu og fjarlægðu alla óþarfa hluti. Klipptu runna og sláðu garðinn að sumri til. Ef snjór hefur fallið skal einnig moka aðkomu hússins.
Gakktu langt í að gera allt hreint og fínt. Lykt er lykilatriði því það er það fyrsta sem fólk tekur eftir þegar gengið er inn.
Fjarlægðu alla óþarfa hluti af gólfum, smáhluti af eldhúsbekkjum og segla, miða og annað af ísskápum.
Skoðaðu lýsingu rýmisins. Dragðu frá gardínur og reyndu að hleypa inn eins mikilli náttúrulegri birtu og mögulegt er. Einnig skaltu skipta um allar sprungnar perur og fela rafmagnssnúrur.
Listinn er ekki tæmandi og við erum með fjölda atriða til viðbótar um hvernig best sé að undirbúa ásýnd eignarinnar.
4. Ástand eignar
Vertu viss um að eignin sé upp á sitt besta þegar hún fer í sölu. Fólk prúttar síður um verð ef allt er í lagi.
Hafðu eftirfarandi atriði í huga:
Ástand á húsi, raka, rakamæla, ástandsskoðun, lagnir, múr, þak, glugga, gler, leka, minniháttar viðgerðir, sökkla á innréttingum og fjarlægðu reykingalykt. Þarf að gera við eitthvað? Lagaðu málningu þar sem þarf, settu gólflista þar sem þá vantar og annað tilfallandi.
Haltu þig við stutta og hnitmiðaða lýsingu : Góð lýsing á eigninni í söluyfirliti er mikilvæg en ekki fara út í of mikil smáatriði.
Láttu fasteignasala sýna eignina. Það hefur margoft sannað sig að fólk sem skoðar eignir með eigendum er hlédrægara þegar kemur að því að tjá sig um kosti og galla eignarinnar af ótta við að móðga eigendur. Best er að heyra sannleikann svo einfaldara sé að loka sölunni.
Páll Heiðar Pálsson
Fasteigna og fyrirtækjasali
775-4000 - palli@450.is
Fasteigna og fyrirtækjasali
775-4000 - palli@450.is
Vinsælar eignir
Skoða eignina Botnahlíð 17
Botnahlíð 17
710 Seyðisfjörður
262.1 m2
Einbýlishús
524
258 þ.kr./m2
67.500.000 kr.Skoða eignina Kuggavogur 26
Kuggavogur 26
104 Reykjavík
88.6 m2
Fjölbýlishús
312
947 þ.kr./m2
83.900.000 kr.Skoða eignina Njörvasund 21
Njörvasund 21
104 Reykjavík
100 m2
Fjölbýlishús
312
829 þ.kr./m2
82.900.000 kr.Skoða eignina Hafravatn-Óskotsvegur 65
Hafravatn-óskotsvegur 65
271 Mosfellsbær
21.3 m2
Sumarhús
1808 þ.kr./m2
38.500.000 kr.Skoða eignina Furugrund 79
Furugrund 79
200 Kópavogur
98.7 m2
Fjölbýlishús
514
805 þ.kr./m2
79.500.000 kr.Skoða eignina Hafnarstræti 45
Hafnarstræti 45
600 Akureyri
216.1 m2
Einbýlishús
735
153 þ.kr./m2
33.000.000 kr.Skoða eignina Flúðasel 93
Flúðasel 93
109 Reykjavík
48.9 m2
Fjölbýlishús
211
583 þ.kr./m2
28.500.000 kr.Skoða eignina Hörðukór 3 - Útsýni
Hörðukór 3 - Útsýni
203 Kópavogur
118.9 m2
Fjölbýlishús
413
756 þ.kr./m2
89.900.000 kr.Skoða eignina Álfheimar 56
Álfheimar 56
104 Reykjavík
107.4 m2
Fjölbýlishús
413
726 þ.kr./m2
78.000.000 kr.Skoða eignina Stangarholt 36
Stangarholt 36
105 Reykjavík
119.4 m2
Fjölbýlishús
523
791 þ.kr./m2
94.500.000 kr.