Stigahlíð 37

Fasteignasalarnir Vernharð Þorleifsson og Magga Sigríður kynna afar fallega og vel skipulagða fimm herbergja miðhæð á eftirsóttum stað í Hlíðunum.
Íbúðin sjálf er 138,6 fm að stærð, bílskúrinn 25,2 fm, þvottahúsið (sér) 10,8 fm og geymslan 7,4 fm. Samtals er eignin því 182 fm.
Hæðin hefur fengið gott viðhald í gegnum árin og er með yfirbyggingu á svölum sem nýtast vel.
Sameign var endurbætt 2018, skipt um frárennslislagnir og nýr dúkur á gólfi.
Sér þvottahús og geymsla í kjallara tilheyrir eigninni og er með flotuðum gólfum.
Baðherbergi var endurnýjað 2016 og skipt um lagnir.

Frekari upplýsingar veita Vernharð Þorleifsson löggiltur fasteignasali í síma 699-7372 / venni@remax.is og Magga Gísladóttir löggiltur fasteignasali í síma 698-7494 / magga@remax.is
Kíktu í heimsókn til okkar á Facebook eða á Instagram

Lýsing eignar:
Hæðin er með sér inngang þar sem komið er inn í forstofu með rúmgóðum skáp. Frá forstofu er innangengt í kjallara, rúmgott herbergi og opið miðrými sem
leiðir inn í önnur rými á hæðinni. Forstofa, miðrými og eldhús eru með flæðandi gólfflísum. Parket er í öðrum rýmum, nema flísar á baði, og var parket pússað og lakkað 2016.
Eldhús er með góðri hvítri innréttingu og fékk yfirhalningu nýlega þar sem var skipt um borðplötu, vask og blöndunartæki, helluborð og bakarofn. Gráar subway flísar eru á milli innréttinga. Í eldhúsi er gott vinnupláss og rými fyrir eldhúsborð.
Stofa og borðstofa eru samliggjandi með stórum og björtum gluggum. Gengið er úr borðstofu út á yfirbyggðar svalir sem eru með stórum opnanlegum
gluggum og vínilflísum á gólfi.
Svefnherbergi eru fjögur. Á svefnherbergisgangi eru stórir og rúmgóðir fataskápar. Frá gangi er gengið í rúmgott hjónaherbergi sem er með útgengt á yfirbyggðar svalir með gólfhita og tvö barnaherbergi. Fjórða svefnherbergið er hjá forstofu.
Baðherbergi var uppgert 2016, flísalagt í hólf og gólf og lagnir endurnýjaðar. Baðherbergið er með rúmgóðri sturtu, upphengdu klósetti, opnanlegum
glugga, handklæðaofni og góðu geymsluplássi í innrréttingu.
Í kjallara er sér þvottahús (10,8 fm) með góðu vinnurými og sér geymsla (7,4 fm) og voru gólfin í báðum rýmum nýlega flotuð. Sameign í kjallara var uppgerð
árið 2018 og skólplagnir endurnýjaðar í jörðu (undir gólfplötu) að íbúðarvegg.
Bílskúrinn er 25,2 fm og er með rafmagni og heitu- og köldu vatni. Pláss er fyrir tvo bíla í aðkeyrslunni.

Húsið:
Stigahlíð 37 er reisulegt þríbýlishús, byggt 1963. Húsið var klætt Ímúr 2006 og var síðast sílanbaðað 2020.
Þak var málað 1998 og hreinsað og húðað 2005. Skipt var um þak á bílskúr 1998.
Þakkantur á húsi og bílskúr var málaður 2020. Gler á allri hæðinni var endurnýjað 2008 og er sérstaklega hljóðeinangrandi K-gler í gluggum í austurátt. Svalir voru yfirbyggðar 1998. Allar íbúðir hússins eru með sér mæla fyrir heita vatnið.
Húsfélagið er virkt og heldur vel utan um viðhald hússins.
Nýbúið er að gera upp útidyrahurðina, lakka og glerja, og verið er að leggja lokahönd við að gera upp bílskúrshurðina.

Mjög góð og vinsæl staðsetning í Hlíðunum í nálægð við fjölbreytta þjónustu s.s. skóla, leikskóla, íþróttafélagið Val, verslanir, útivistar og
menningarsvæði eins og Klambratún, Kjarvalstaði, Öskjuhlíð og Nauthólsvík ásamt því að stutt er í miðbæ Reykjavíkur.