Aðalstræti 57

Prestbústaðurinn við Aðalstræti 57 á Patreksfirði.

Hér er um að ræða sérlega virðulegt og fallegt fjölskylduhús á 3 hæðum ásamt nýlegum tvöföldum bílskúr. Húsið sjálft er skráð 295,2 fm og bílskúrinn er 56,2 fm. Samtals eru þetta 351,4 fm.
Húsið er steinsteypt, kjallari og tvær hæðir, einangrað að innan. Húsið hefur verið einangrað og múrklætt að utan. Að innan er húsið í nokkuð góðu standi. Skipt var um eldhús 2016 og það er í góðu standi. 

* Óskert útsýni er út á fjörð 
*  5 Svefnherbergi eru á efstu hæð hússins, að auki er forstofu herbergi á aðal hæð.
* Sérlega rúmgóð stofa og endurnýjað eldhús
* Neysluvatn var endurnýjað á sama tíma og eldhúsið
* Bílskúrinn var byggður árið 2016-17 hann er steyptur, með tveimur innkeyrsluhurðum, gólfhiti og skolvaskur
* Möguleiki er að útbúa sér íbúð í kjallar hússins

Lýsing á eign;
gengið er inn í litla forstofu, flísar eru á gólfi.
Á hægri hönd þegar að inn er komið er gestasnyrting með upphengdu salerni, innréttingu með vask og fallegur spegill með led borða. Forstofuskápur er á móti saleni.
Á hægri hönd er forstofuherbergi / Sjónvarpshol, opið er á milli þess herbergis og stofunnar.
Stofan er opin og björt, óskert útsýni er út á fjörðinn frá stofu, fallegir gluggar setja svip sinn á eignina. Parket er á stofu, gangi og í forstofuherbergi. Opið er að hlut á milli stofu og eldhúss.
Eldhúsið var endurnýjað árið 2016, falleg eikar innrétting með nægu skápaplássi, tvöfaldur ísskápur er í innréttingu. Eyja með helluborði og veglegur háfur. Flísar eru á gólfi.
Fallegur stigi með teppi gólfi er upp á efri hæð hússins, stór gluggi er í stigaopinu. 
Þegar að upp er komið eru þar 5 svefnherbergi, Hjónaherbergi er sérlega rúmgott með parket á gólfi og skápum á 2 veggjum og útgengt út á svalir.
4 barnaherbergi, öll með parket á gólfi og skápur í 3 af 4.
Baðherbergið er flísalagt í hólf og gólf með baðkari með gler sturtu aðstöðu, innrétting með vask og upphengt salerni.
Kjallarinn er mjög rúmmgóður, þar er stór geymsla, stórt þvottahús og tvöföld skrifstofa ásamt lagnarými. Sér inngangur er á baklóð hússins þannig að hægt er að hafa sér innagang í kjallarann.

Stór garður er fyrir framan húsið og búið er að loka garðinum með grinverki, lokafrágang vantar fyrir framan eftir að bílskúrinn var byggður.
Húsið er kynnt með vatnsofnum með heitu vatni frá fjarvarmaveitu bæjarins.