Laufengi 118

Falleg og björt íbúð sem er mjög vel skipulögð með fjórum svefnherbergjum alls 114,3 fm. Íbúðinn er með sérinngang af svölum á 2. hæð í góðu fjölbýli. 
Íbúðin skiptist í forstofu, hol, stofu, eldhús, baðherbergi, geymslu/þvottahús og fjögur svefnherbergi. Sólríkar suð-vestur svalir.  Dýrahald er leyft í húsinu. Sérmerkt bílastæði fylgir íbúðinni.

Komið er um sérinngang af útisvölum á flísalagða forstofu með fataskáp til lofts.  Af forstofu er dúklagt þvottahús/geymsla með glugga.  Holið er parketlagt, samliggjandi við stofu og svefnherbergisgang.  Baðherbergið er flísalagt, með sturtu, innréttingu, vegghengdu salerni og handklæðaofni. Í dag eru barnaherbergin þrjú, en búið er að skipta einu herbergi upp í tvö lítil svefnherbergi (ekki þannig á teikningu). Lítið mál er að breyta aftur í eitt stórt herbergi.  Hjónaherbergið er parketlagt og með góðum fataskápum til lofts.  Eldhúsið er flísalagt með fallegri innréttingu, flísum á milli efri- og neðri skápa, span helluborði og lögn fyrir uppþvottavél.  Góður borðkrókur í eldhúsi.  Stofan er rúmgóð og björt, parketlögð og með útgerngt á góðar og sólríkar suðursvalir.

Hleðslustöð er komin við bílastæðin. 

 Falleg eign með sérinngangi af svölum og sérmerktu bílastæði. Eignin er staðsett á eftirsóttum stað og í nálægð við alla helstu þjónustu.