Gyðugata 7

Helgafell fasteignasala og Hólmar Björn Sigþórsson löggiltur fasteignasali kynna í einkasölum Gyðugötu 7, 815 Þorlákshöfn: 

Fallegt og vel skipulagt 4 herbergja nýtt endaraðhús með innbyggðum bílskúr. Birt stærð eignar er 128,2 fm og þar af er íbúðarhluti 85,1 fm og bílskúr 43,1 fm. Húsið er timburhús, klætt að utan með lituðu járni.  Eignin skiptist í anddyri, stofu / borðstofu og eldhús í opnu alrými, gang, þrjú svefnherbergi, baðherbergi, þvottahús, geymslu og bílskúr. 

SMELLIÐ HÉR TIL AÐ FÁ SENT SÖLUYFIRLIT STRAX
SMELLIÐ HÉR TIL AÐ SÆKJA SKILALÝSINGU

* Eignirnar skilast fokheldar samkvæmt byggingarstigi 2 - ÍST 51:2021. Hægt er að fá húsið lengra komið eftir samkomulagi. 
* Afhendingartími er apríl 2025.
* Verð á byggingarstigi 2: 47 milljónir.

Skilalýsing á byggingarstigi 2 - fokheld bygging: 

Frágangur utanhúss:
Sökklar: Sökklar eru staðsteyptir og einangraðir að innan með 75mm plasteinangrun.
Útveggir: Útveggir eru byggðir upp úr timbri og klæddir með liggjandi báruálklæðningu, grá að lit sem er brotin upp með standandi klæðningu, hvít að lit í innskotum.
Þak:  Þak er byggt upp úr kraftsperrum og klætt hvítri báruklæðningu. 
Þakkantar og vindskeiðar: Eru úr timbri í hvítum lit, undirklæðningin er einnig úr timbri í hvítum lit. Rennur eru settar upp framan á  þakkant og eru úr áli/plasti. 
Gluggar og útihurðir: Gluggar og hurðir eru úr ál/timbri hvítir að lit, gler í gluggum er tvöfalt K-einangrunargler. Tvöfalt samlímt öryggisgler er í gólfsíðum gluggum/hurðum, sem og öllum gluggum/hurðum sem eru allt að 600mm frá gólfi. Allar útihurðir (hurðarflekar) eru 900 mm að breidd.
Útiljós: Útiljós utan á húsi verða uppsett, lagnaleiðir fyrir ljós verða samkvæmt teikningu, börkum verður komið inn í hús en ótengdir.
Lóð: Lóð skilast grófjöfnuð og verður búið að skipta um jarðveg í bílaplani og setja í mulning. Forsteypt sorpskýli fyrir þrjár tunnur staðsett skv. teikningum.

Frágangur innanhúss:
Gólf: Botnplata er röraslödduð tilbúin til flotunar og ílagnar í votrýmum.
Innveggir: Veggir milli íbúða eru byggðir upp úr timbur grind, einangraðir og klæddir með gifsi íbúðarmegin. Veggur milli skúrs og íbúða eru byggðir úr timburgrind, einangraðir og klæddir með gifsi.
Loft: Kraftsperrur eru í húsinu og öll loft eru niðurtekin. Komnir eru skilveggir milli notendaeininga, einangraðir og klæddir tvöföldu gifsi. Hið sama gildir um skilveggi innbyggðra bílskúra.
Neysluvatnslagnir: Eru rör í rör kerfi steyptar í botnplötu, óuppsettar og ófrágengnar. Heimtaug kaldavatns ótengd, ídráttarrör tilbúin út fyrir hús.
Fráveitulagnir: Skólplagnir eru tengdar fráveitu kerfi í götu. Frárennslislagnir eru tengdar í grjótpúkk á lóð.
Rafmagn: Heimtaugar rafmagns og boðtauga ótengdar ídráttarrör tilbúin út fyrir hús.
Hitalögn: Hitalagnir eru steyptar í botnplötu, tengikistur óuppsettar og ófrágengnar. Heimtaug hitaveitu ótengd, ídráttarrör tilbúin út fyrir hús.

Almennt:
Byggingargjöld og gatnagerðargjald eru greidd.
Kaupandi greiðir tengigjöld rafmagns og hita sem og lóðargjald.
Kaupandi greiðir 0,3 % skipulagsgjald þegar það er lagt á við endanlegt brunabótamat.
Allar teikningar liggja fyrir þ.e. aðalteikningar, sökkulteikningar, burðarvirkisteikningar, glugga- og hurðateikningar, lagnateikningar og rafmagnsteikningar.

Byggingaraðili: Fortis ehf.

Vel staðsett endaraðhús í Vesturbyggð sem er glænýtt hverfi í vestur jaðri Þorlákshafnar. 

Nánari upplýsingar og bókun á skoðun gefur Hólmar Björn Sigþórsson, löggiltur fasteignasali og félagsmaður í Félagi fasteignasala í s. 893 3276 eða í netfangið holmar@helgafellfasteignasala.is.