Strandgata 17

Lf-fasteignasala/Lindin fasteignir, s. 893-1319 Þórdís Pála Reynisdóttir thordis@lindinfasteignir.is löggiltur fasteigna- og skipasali kynna:
Strandgata 17, Eskifirði.
Bjart, rúmgott og skemmtilegt einbýlishús á tveim pöllum.
Skjólgóður sólpallur.
Hér er um að ræða fallegt sérbýli á rólegum og fallegum útsýnisstað.
Hátt er til lofts í húsinu.
Gengið er inn í forstofu með fataskáp, þar fyrir innan er nokkuð stórt hol og er gengið úr því í flest rými í húsinu sem eru 2 rúmgóð svefnherbergi, bæði með fataskápum, eldhús með góðri innréttingu og baðherbergi og einnig er gengið niður nokkur þrep í bjarta stofu með stórum gluggum i 3 áttir. Við hlið stofunnar er nokkuð stór, sólpallur með skjólveggjum.
Baðherbergið er rúmgott, bæði með baðkari og sturtuklefa, flísar á gólfi og veggjum. Vegleg innrétting.
Gólfhiti er í húsinu. Flísar eru á gólfum í forstofu, baðherbergi, þvottahúsi og eldhúsi en parket á öðrum gólfum.
Þvottahús sem jafnframt nýtist sem geymsla eru inn úr eldhúsinu.
Hiti er í bílaplani framan við húsið.
Ísskápur og nánast ný uppþvottavél geta fylgt með við sölu.