Arkarvogur 4 (207)

Nýtt á skrá! Arkarvogur 4 / 4 svefnherbergi / bílastæði í bílakjallara

LIND Fasteignasala og ÞG Verk kynna með stolti: Glæsilega 141, fermetra, 5 herbergja íbúð að Arkarvogi 4 í Vogabyggð, 104 Reykjavík. Um er að ræða vandað lyftuhús sem er byggt af ÞG Verk með sérstæði í bílakjallara. Góð 11 fermetra geymsla í kjallara. Innangengt er úr bílakjallara í lyftu- og stigahús. Svalir snúa til suðurs inn í bakgarð hússins. Íbúðin er parketlögð og með gardínum.

Leyfi er fyrir gæludýrum í húsinu.

Húsið er steinsteypt og útveggir einangraðir að utan, klæddir með báru-álklæðningum eða sléttum-álklæðningum sem tryggir lágmarks viðhald húsanna. Gluggar eru ál/tré kerfi og glerjaðir með K-gleri. Innveggir aðrir en steyptir eru úr hleðslusteini.

Íbúð 207: Er 141,0  fermetra glæsileg fimm herbergja íbúð á annarri hæð með svölum til suðurs. Þar af er geymsla 11,0 fermetrar og bílastæði í bílakjallara. Afhending er við kaupsamning.

Nánari lýsing: Íbúðin skiptist í forstofu, gang, eldhús í alrými með stofu/borðstofu, 4 svefnherbergi, baðherbergi með sturtu og baðkari og snyrting með þvottaherbergi inn af. Útgengi á svalir til suðurs úr stofu.

Allar nánari upplýsingar á heimasíðu verkefnisins: www.tgverk.is/vogabyggd/

Dýrahald er leyfilegt í Arkarvogi 2-8 samkvæmt eignaskiptasamningi.

Vogabyggð er skjólsæl perla á höfuðborgarsvæðinu í nálægð við hafið og náttúruna. Frábær kostur fyrir þá sem kjósa að búa í umhverfi sem býður bæði upp á borgarbrag og í senn sterka tengingu við náttúruna. Hjóla- og göngustígar liggja meðfram ströndinni sem og upp í Elliðaárdal. Þá er Laugardalurinn innan seilingar.

ÞG Verk hafa yfir 20 ára reynslu á byggingarmarkaði. Fyrirtækið leggur áherslu á vandaðar íbúðir, góða þjónustu og skil íbúða á réttum tíma. Áreiðanleiki, gæði og notagildi eru einkunnarorð ÞG verks og fyrirtækið kappkostar að eiga gott samstarf við viðskiptavini sína. 

BÓKIÐ SKOÐUN!
ALLAR NÁNARI UPPLÝSINGAR VEITA:
Heimir F. Hallgrímsson Í S: 849-0672 / HEIMIR@FASTLIND.IS

Innréttingar: Í eldhúsum og baðherbergjum eru frá þýska framleiðandanum Nobilia og fataskápar frá GKS smíðaverkstæði. Eldhúsinnréttingar eru mismunandi útfærðar eftir íbúðum. Lýsing undir efri skápum í eldhúsum. Speglaskápar eru á böðum. 

Eldhústæki: Íbúðunum fylgja vönduð eldhústæki af gerðinni Electrolux. Íbúðum er skilað með span helluborði, innbyggðum kæliskáp, innbyggðri uppþvottavél, blástursofni og viftu eða lofthengdum eyjuháfi þar sem það á við.

Hreinlætistæki: Salernisskál er vegghengd með innbyggðum vatnskassa. Sturtur eru með flísalögðum botni og hertu sturtugleri. Hreinlætistæki eru frá Grohe, hitastýrð eða einnar handar. Þvottahús eru ýmist innan baðherbergja eða í sér rými.

Seljandi áskilur sér allan rétt til að gera efnis-, tæknilegar- og útlits breytingar meðan á byggingaframkvæmd stendur.

Kaupandi greiðir skipulagsgjald sem nemur 0,3% af brunabótamati þegar það er lagt á.

Heimild seljanda til að breyta eignaskiptasamning sé þess þörf án þess þó að rýra eignarrétt kaupanda. Innréttingateikningar eru þær sem gilda ef misræmi er milli arkitektateikninga og innréttingateikninga og eru þær áritaðar og hluti samningsins.

Eignin afhendist skv meðfylgjandi skilalýsingu.