SPÁNAREIGNIR - El Raso

SPÁNAREIGNIR KYNNIR:
*LÚXUS VILLA: EINSTAKLEGA GLÆSILEGT, RÚMGOTT OG VEL HANNAÐ NÝLEGT EINBÝLISHÚS Á FRÁBÆRUM STAÐ*-*ALLT FYLGIR MEÐ*

Glæsilegt, rúmgott einbýlishús á tveimur hæðum á frábærum stað í hinu vinsæla El Raso hverfi, stutt frá Guardamar ströndinni, ca. 30 mín akstur frá Alicante flugvelli. Þrjú svefnherbergi, tvö baðherbergi og auk þess gestasnyrting. Vandaðar innréttingar. Stór einkagarður með hitaðri sundlaug. Rafmagnsbílahlið. Svalir og þaksvalir. Fullbúið vönduðum húsgögnum og húsbúnaði. Til afhendingar við kaupsamning.  Stutt göngufæri í verslanir og veitingastaðir og fallegar gönguleiðir í næsta nágrenni. 
Einstakt tækifæri til að eignast vandað og flott einbýlishús þar sem hægt er flytja inn strax og byrja að njóta frá fyrsta degi. 

Upplýsingar gefa Aðalheiður Karlsdóttir, löggiltur fasteignasali, adalheidur@spanareignir.is. GSM 00354 893 2495 og
Berta Hawkins, löggiltur fasteignasali, berta@spanareignir.is GSM 0034 615 112 869 .

Nánari lýsing:
Neðri hæð:
Fyrst er komið inn í anddyri með góðum skápum. Eldhúsið er með vandaðri innréttingu og veglegri eldhúseyju, granít borðplötum og vönduðum tækjum. Eldhúsið tengist vel rúmgóðri stofu og borðstofu. Vegleg rennihurð tryggir gott aðgengi út í garðinn.
Á neðri hæðinni er jafnframt eitt svefnherbergi með góðum skápum, baðherbergi og gestasnyrting.
Efri hæð:
Góður stigi liggur upp á efri hæðina. Þar eru tvö rúmgóð svefnherbergi, bæði  með skápum. Baðherbergi með vandaðri innréttingu.
Útgengi út á stórar svalir til suðurs og þaðan upp á glæsilega útbúna  þakverönd með frábæru útsýni yfir gróið nágrenni, appelsínuakra, saltvötning ofl. 

Einkabílastæði inni á lokaðri lóð. Rafdrifið bílahlið með fjarstýringu.
Stór einkasundlaug með upphitunarbúnaði.
Sjálfvökvandi kerfi á gróður, loftræstikerfi með hitun og kælingu.
Þjófavörn (skynjarar) og öryggiskerfi m/innimyndavélum (Securitas) sem veitir beint aðgengi í rauntíma, þannig að hægt er að fylgjast með mannaferðum.
Allt fylgir með: ísskápur/frystiskápur, þvottavél, þurrkari, uppþvottavél, bakaraofn, örbylgjuofn, helluborð, vifta.
Hiti í gólfum á baðherbergjum.
Rafknúnar gluggalokanir, góð lýsing, bæði inni og úti.
Sunscreen gardínur í öllum gluggum.
Hátíðnitæki (skordýrafælur) í innstungum.
Afrakatæki sem kemur í veg fyrir rakamyndun.
Vatnsslanga  til að spúla lóð, er til reiðu í útigeymslu
Vönduð húsgögn bæði  inni og úti, m.a. stækkanlegt borðstofuborð + 6 stólar, 2 leðursófar, sófaborð, flatskjár/smart tv, sjónvarpsskenkur, veggskápar, 2 hjónarúm með vönduðum dýnum og yfirdýnum, 2 einstaklingsrúm með dýnum og yfirdýnum, höfðagaflar í öllum herbergjum ásamt 5 náttborðum.
 
6 sólstólar, stækkanlegt borðstofuborð á verönd með 8 stólum, pergóla á verönd, borð á svölum + 6 stólar, risastór hornsófi á þaksvöllum, sófaborð og 2 stólar.
 
Þessu til viðbótar fylgir allt leirtau, pottar og pönnur, glös, bollar, hnífapör, allrahanda eldunaráhöld, kaffivél, ketill, hrærivél,brauðrist, 2 hárþurrkur, lager af líni á öll rúm (3 umgangar), koddahlífar, dýnuhlífar og lager af handklæðum.

Auk þess stór sólhlíf (pergóla) yfir verönd.

Byggingarár er 2018.
Húsið er 124 fm auk veglegs útisvæðis, verandir, svalir og þaksvalir. Snýr á móti suðri, vel staðsett í lokaðri götu, sem tryggir rólegheit og öryggi.
Húsið er í góðu ástandi og var td. málað að utan 2023.
 
Fallega hvíta sandströndin í Guardamar, sem liggur að Miðjarðarhafinu er í  næsta nágrenni. Þar eru fallegar gönguleiðir og skemmtilegt “promenaði” er meðfram ströndinni sem býður upp á skemmtilegar gönguferðir. Fjöldi skemmtilegra veitingastaða og verslana gerir gönguferðina enn skemmtilegri. Friðuð náttúruperla við saltvatnið í næsta nágrenni. Hinn vinsæli sítrónumarkaður á sunnudögum er í næsta nágrenni.
Alicante flugvöllur er í ca. 30 mín akstursleið. Miðborg Torrevieja er í ca. 15 mín. akstursleið og þar er úrval verslana og veitingastaða, bátahöfn og fleira. Fjölbreytt úrval golfvalla er í nágrenninu, t.d. La Marquesa, Villamartin, Las Ramblas, Campoamor, Las Colinas, La Finca of fleiri. Stutt er í dýragarðinn í Elche.

Hér er um einstakt tækifæri að ræða til að eignast nýlegt og vandað fullbúið einbýlishús á frábærum stað, stutt frá  öllu því sem gerir dvölina á Spáni  skemmtilega. Húsið er til afhendingar við kaupsamning. 
Frábært fjölskylduhús, og til að taka á móti vinum.

Verð  miðað við gengi 1Evra=145 ISK:
698.000 evrur (ISK101.200.000) + 10% skattur og ca. 3% kostn við kaupin.

Við höfum selt fasteignir á Spáni síðan 2001. Tryggir þekkingu, reynslu og öryggi.

Eitt besta loftslag í heimi samkvæmt Alþjóða heilbrigðistofnunni, WHO.

SKOÐUNARFERÐIR:
Spánareignir aðstoða kaupendur við að skipuleggja skoðunarferðir.
Sjá nánar um fasteignakaup á Spáni á heimasíðunni okkar: www.spanareignir.is

Mögulegt er að fjármagna hluta kaupverðs með láni frá spænskum banka með hagstæðum vöxtum.

Kostnaður við kaupin: 10% IVA (spænskur söluskattur) af kaupverði eignarinnar. Auk þess má gera ráð fyrir ca. 3% kostnaði vegna stimpilgjalda og annars kostnaðar við kaupin, þ.e. samtals getur kostnaður vegna kaupa á fasteign á Spáni því farið upp í ca. 13%.

Eiginleikar: endursölueign, einkasundlaug, þakverönd, sér garður/lóð, air con, einkabílastæði, húsgögn, húsbúnaður,
Svæði: Costa Blanca, El Raso, Guardamar,