Fellsmúli 11

Miklaborg kynnir: Falleg, björt og vel skipulögð 3ja herbergja íbúð á fjórðu hæð í Fellsmúla 11. Góð staðsetning miðsvæðis í Reykjavík, næg bílastæði við húsið og örstutt í helstu verslun og þjónustu.

Um er að ræða rúmgóða 87,7 m² íbúð auk 5,1 m² sérgeymslu, samtals 92,8 m², með góðu og vel nýttu skipulagi. Íbúðin nýtur mikillar birtu og frá stofu er gengið út á rúmgóðar svalir til suðurs, þar sem fallegt útsýni setur skemmtilegan svip á eignina.

Húsið hefur fengið umtalsvert viðhald og endurbætur á undanförnum árum.

Forstofa er mjög rúmgóð, parket á gólfi.

Eldhús með fínni innréttingu með efri og neðri skápum. Korkflísar á gólfi. Tengi fyrir uppþvottavél.

Stofa og borðstofa eru rúmgóðar með parketi á gólfi. Útgengi á stórar og rúmgóðar suðursvalir með fallegu útsýni.

Baðherbergi er flísalagt í hólf og gólf, hvít innréttingu með efri og neðri skápum. Baðkar með sturtuhengi. Opnanlegur gluggi og handklæðaofn.

Svefnherbergisgangur er með parketi á gólfi. Opið fatahengi.

Barnaherbergi er með parketi á gólfi.

Hjónaherbergi er með parketi á gólfi og rúmgóðum fataskáp.

Geymsla er í sameign, 5,1 m², með hillum og opnanlegum glugga.

Helstu endurbætur á íbúð

• Búið að skipta um alla glugga, gler og svalahurð.
• Búið að skipta um ofna og ofnalagnir.
• Eldvarnarhurð.

Endurbætur á sameign og ytra byrði

Húsið hefur fengið gott og reglubundið viðhald og hafa meðal annars eftirfarandi framkvæmdir verið unnar samkvæmt fyrri eiganda:

• 2004: Þak endurnýjað.
• 2007: Múrviðgerðir og málun.
• 2010: Klæðning á austurgafli og nýir gluggar í endaíbúð nr. 9.
• 2013: Nýir gluggar á suður- og vesturhlið. Nýtt gler, póstar og fög á norðurhlið.
• 2015: Skólplögn undir húsi og utanhúss endurnýjuð og lóð drenuð.
• 2018: Forstofa endurnýjuð, ásamt póstkössum og dyrasíma.
• 2020: Klæðning á suður- og vesturhlið. Norðurhlið múrviðgerð og máluð. Þak málað, svalahandrið endurnýjuð og svalagólf lagfærð.
• 2024: Stigagangur málaður og skipt um teppi. Kjallari sameignar málaður, bæði veggir og gólf.

Við húsið er stór og sameiginlegur garður með leiktækjum, sem hentar vel fyrir fjölskyldufólk. Í sameign er einnig sameiginlegt þvottahús og hjólageymsla.

Um er að ræða bjarta og rúmgóða 3ja herbergja íbúð á efstu hæð, með góðum suðursvölum og fallegu útsýni, í húsi sem hefur verið vel viðhaldið.

Nánari upplýsingar gefur Ingimundur Ingimundarson löggiltur fasteignasali í síma 867 4540 eða ingimundur@miklaborg.is