Sólvellir 1

Valborg fasteignasala kynnir í einkasölu gott heilsárshús á 4.155 m2 eignarlóð við Sólvelli 1, 806 Bláskógabyggð.
Samkvæmt skráningur Þjóðskrár Íslands er eignin 56 m2 en við bætast óskráð svefnloft og geymsluskúr.
Eignin telur alrými með eldhúsi og stofu, baðherbergi, tvö svefnherbergi og svefnloft sem er ekki með í skráðum fermetrum eignarinnar.
Heitur pottur, 9,9 m2 geymsluskúr (óskráður) og sólríkur pallur við húsið. Eignin er kynnt með hitaveitu.
Hluti innbús getur fylgt með samkvæmt nánara samkomulagi.
Eignin er staðsett í Holtshverfi í landi Reykjavalla, kyrrlátur staður en þó nálægt verslun, þjónustu og náttúruperlum Suðurlands.

Sjá staðsetningu hér.

Nánari upplýsingar veita:
Elínborg María Ólafsdóttir, löggiltur fasteignasali, í síma 861-6866, tölvupóstur elinborg@valborgfs.is.
Gunnar Biering Agnarsson, löggiltur fasteignasali, í síma 823-3300, tölvupóstur gunnar@valborgfs.is. 

Nánari lýsing:
Forstofa er flísalögð, fatahengi og stigi upp á svefnloft.
Svefnloft er yfir báðum svefnherbergjunum. Ekki skráð í fermetratölu hússins en nýtist ágætlega sem leikrými eða svefnrými. Opnanlegur gluggi sem er einnig flóttaleið.
Hjónaherbergi með gluggum til norðurs og vestur. Frístandandi fataskápur. 
Barnaherbergi án fataskápar. Gluggi til norðurs.
Alrými er bjart. Í því er eldhús, borðstofa og stofa. Góð innrétting með efri og neðri skápum, eldavél og ísskáp í fullri stærð. Útgengt á sólríkan pall er umlykur húsið. Gluggar á þrjá vegu (austur, vestur og suður).
Baðherbergi með handlaugarinnréttingu, frístandandi wc, nýlegum sturtuklefa og glugga til vesturs. Geymslurými ofan á baðherbergi.
Pallur umlykur húsið á alla vegu. Heitur pottur, góð skjólgirðing, og tæplega 10 m2 geymsluskúr (óskráður).
Gólfefni eru flæðandi flísar nema á svefnlofti sem er parketlagt.
Öll opnanleg fög eru með flugnaneti.
Á lóð eru fjórir u.þ.b. 1 m2 ræktunarkassar fyrir grænmeti, kryddjurtir og/eða kartöflur.
Að sögn seljenda hefur hefur pallur verið olíuborinn árlega. Utanhúsklæðning og annað tréverk (girðing) málað reglulega.

Húsið hvílir á steyptum sökkli með steyptri botnplötu. Gólfhitalagnir eru í botnplötunni og hita upp húsið. 
Gólfhitakerfið er lokað kerfi með frostlegi sem er hitaður upp með forhitara (heitt vatn).
Heitt og kalt vatn í bústaðinn koma frá sömu veitunnni.

Hluti af innbúi getur fylgt með við sölu eftir nánara samkomulagi, svo sem:

• Ýmis vegg- og loftljós sem hafa verið sett upp í bústaðnum. 
• Stofuborð og stólar, sófi, kommóður, skenkur og lausir skápar. 
• Vinnuborð og hillur í geymsluskúr, ýmis útiverkfæri o.fl. 

Víðáttumikið útsýni yfir sveitina og fjöllin í kring.
Stutt er í ýmsa þjónustu:
3 mín.: Reykholt s.s. verslun (Bjarnabúð), sundlaug, matsölustaðir (Friðheimar, Vínstofan, Mika), gróðurhús.
15 mín.: Flúðir s.s. verslun (Krambúðin, Litla bændabúðin), sundlaug o.fl.
15 mín.: Frábær golfvöllur (Selsvöllur) rétt áður en komið er að Flúðum. Golfskáli Kaffi-Sel með veitingum.
Stutt er í Skálholt, Laugarás og vinsæla ferðamannastaði á Suðurlandi.
Hægt er að ganga niður að Tungnaá (framhjá Reykjavöllum og eftir grónum vegslóða).

Leiðarlýsing:
Ekið er í átt að Reykholti, framhjá Torfastöðum og niður brekku á Biskupstungnabraut. Þar er beygt á hægri hönd við skilti merkt Reykjavellir, Goðatún o.fl. Eftir um 400 m kvíslast vegurinn. Afleggjari til hægri liggur að Reykjavöllum en sá til vinstri, merktur Goðatúni, liggur að  sumarhúsabyggðinni og Goðatúni. Ekið er eftir vinstri afleggjaranum nokkur hundruð metra. Á móts við öryggismyndavélar og sumarbústað á vinstri hönd er ekið fram hjá afleggjara til hægri sem heitir Reynivellir. Aðeins lengra kemur svo annar afleggjari til hægri sem eru Sólvellir. Sumarhúsið er fyrsta húsið á hægri hönd þegar ekið er inn Sólvellina.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Valborg ehf. fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.