Melás 9

Nýtt á skrá! Opið hús - Melás 9 Garðabæ - fimmtudaginn 24. apríl klukkan 16:00 - 16:30

Frábær fjölskylduhæð með auka rými/útleigueiningu á jarðhæð með sérinngangi. Bókið skoðun hjá Heimi Hallgrímssyni lögg. fasteignasala / heimir@fastlind.is / 849-0672

Lind fasteignasala / Heimir Hallgrímsson lögg. fasteignasali kynnir afar fallega og vel staðsetta 4ra herbergja efri sérhæð með sérinngangi ásamt aukarými/útleigueiningu á jarðhæð með sérinngangi (samtals 4 svefnherbergi með aukarýminu á jarðhæð) í grónu fjölskylduhverfi við Melás 9 í Garðabæ. Heildareignin er alls 148,2 fermetrar að stærð og þar af 24,8 fermetra bílskúr sem hefur verið breytt í aukarými með sérinngangi og baðherbergi (auðvelt að setja upp eldhúseiningu).

Hæðin er vel skipulögð með stórum alrýmum og rúmgóðum svefnherbergjum. Stofan er stór og rúmar vel setustofu og borðstofu. Stórir gluggar í stofum til suðurs með fallegu útsýni til fjalla (m.a. Keili). Hæðin var mikið endurnýjuð árið 2019, m.a. eldhús, baðherbergi og gólfefni. Sömuleiðis er útleigurými/aukarými á jarðhæð nýlegt og var útbúið árið 2020. 

Lóðin er 800,0 fermetrar að stærð, snyrtileg og sameiginleg með íbúð á neðri hæð. Tyrfður garður til suðurs, vesturs og austurs með fallegum trjágróðri á lóðarmörkum. Norðan megin við hús er hellulögð stétt að húsi og steypt þrep að inngangi. Með efri hæðinni (í séreign) fylgir stórt hellulagt bílaplan sem rúmar allt að fjórar bifreiðar fyrir framan bílskúr (aukarými). Húsið lítur vel út að utan og ber þess merki að hafi fengið gott viðhald á undanförnum árum. 

Að sögn seljanda er leyfi til staðar þess að stækka svalir á hæðinni umtalsvert eða allt að 1,7m út frá húsi og meðfram suðurhlið hússins. Teikningar og burðarþolsteikningar geta fylgt. Forkaupsréttur á íbúð neðri hæðar fylgir þessari eign (en ekki gagnkvæmt).

Nánari lýsing:
Efri sérhæð - sérinngangur.
Forstofa: Flísar á gólfi og skápar.
Hol: Með harðparketi á gólfi og góðum innbyggðum skápum með rennihurð.
Stofa: Er rúmgóð með harðparketi á gólfi og stórum gluggum til suðurs og glugga vesturs. Stofa rúmar vel setustofu og borðstofu. Stofa er opin að hluta við hol og eldhús. Afar fallegt útsýni til fjalla í suðri, m.a. að Keili.
Eldhús: Var endurnýjað á smekklegan máta árið 2019. Harðparket á gólfi og falleg sprautulökkuð innrétting með eyju. Eldhús er bjart með gluggum til vesturs og norðurs. Innbyggður kæliskápur með frysti, stál bakaraofn og spansuðu helluborð. Tengi fyrir uppþvottavél og góður borðkrókur.
Svefnherbergi I: Er rúmgott, með harðparketi á gólfi, skápum og glugga til norðurs.
Svefnherbergi II: Er rúmgott, með harðparketi á gólfi, skápum og glugga til austurs.
Hjónaherbergi: Er rúmgott, með harðparketi á gólfi, skápum og gluggum til suðurs. Útgengi á svalir frá hjónaherbergi.
Svalir: Snúa til suðurs inn í bakgarð hússins. Afar fallegt útsýni til fjalla í suðri. Möguleiki að stækka svalir líkt og fyrr greinir í lýsingu.
Baðherbergi: Var endurnýjað árið 2019. Flísar á gólfi og veggjum. Flísalögð sturta með glerþili (walk-in) og falleg innrétting við vask. Upphengt salerni og opnanlegur gluggi til austurs. Tengi fyrir þvottavél og þurrkara inn af baðherbergi.

Aukarými (áður bílskúr) - sérinngangur: Er 24,8 fermetrar að stærð og hefur verið breytt í virkilega fallega aukaíbúð með sérinngangi. Harðparket á gólfi, gluggar til austurs og skápar. Baðherbergi með flísum, sturtuklefa, innréttingu við vask, upphengdu salerni og útloftun.

Um er að ræða frábæra fjölskyldueign í þessu vinsæla hverfi í Ásunum Garðabæ. Stutt er í alla verslun og þjónustu, leikskóla, grunnskóla og fjölbrautaskóla. Íþróttasvæði og sundlaug í næsta nágrenni.

Nánari upplýsingar:
Heimir Hallgrímsson, lögg. fasteignasali / heimir@fastlind.is / 849-0672