Brekkugerði 4

Sveinn Gíslason og RE/MAX kynna mikið endurnýjað og vel hannað 231,8 fm einbýli með skjólgóðum garði til suðurs. Húsið er teiknað af Sigvalda Thordarson arkitekt.

Allar upplýsingar veitir Sveinn Gíslason lögmaður/löggiltur fasteignasali sveinn@remax.is sími 859-5559.

Húsið skiptist í anddyri, snyrtingu, hol, eldhús, stofu/borðstofu, þvottahús, geymslu, baðherbergi, fjögur herbergi og í kjallara er lítið herbergi og geymsla. Bílskúr var teiknaður og samþykktur á sínum tíma en var aldrei byggður. Stutt er í skóla, verslanir og aðra þjónustu. 

Húsið hefur verið mikið endurnýjað. Um er að ræða góða staðsetningu í rólegri og fallegri botnlangagötu.

Árið 2014 var skipt um allar vatnslagnir, alla ofna, skólplagnir, heimtaug og lagt fyrir dreni í lóð. Allar raflagnir endurnýjaðar og settar nýjar töflur. Parketið pússað, lakkað og bæsað. Baðherbergi og gestasnyrting endurnýjaðar. Eldhús endurnýjað, innréttingar og öll tæki frá Miele. Fataskápar allir nýir - sérsmíði frá Axis. Sérsmíðaðar innréttingar í sjónvarpsherbergi, gestasalerni og hjónaherbergi.

Á árunum 2016 og 2017 var húsið múrað og filterað að utan. Allir gluggar endurnýjaðir með álgluggum sem og hurð út á pall og útidyrahurð á hliðarinngangi. Aðalútidyrahurð yfirfarin, pússuð og olíuborin. Lóðin var endurnýjuð, steyptur skjólveggur á lóðamörkum með lýsingu, hellulagt, steyptur pallur með hellulögn. Stór innkeyrsla sem rúmar tvo til þrjá bíla. 8,4 fm garðhús er á lóð (óskráð). 
Árið 2019 var settur nýr pappi á þak og skyggni yfir inngangi.

Nánari lýsing: Komið er inn í flísalagt anddyri með fataskápum, inn af því er snyrting. Úr anddyri er hægt að ganga inn í parketlagt rúmgott og bjart herbergi sem er í dag notað sem vinnu- og sjónvarpsherbergi með sérsmíðuðum innréttingum. Úr anddyri er komið inn í bjart miðjurými, þar er eldhús með innréttingum frá HTH, tækjum frá Miele. Við eldhús er rúmgóður eldhúskrókur með stórum búrskáp og rúmgóðum hirslum. Inn af eldhúsi er gengið inn í stórt flísalagt þvottahús með góðum hirslum, vaski og marmaraborðplötu. Í þvottahúsi er bakdyrainngangur.

Frá eldhúsi er gengið niður í stofu og inn á svefnherbergisgang. Stofan er til suðurs, rúmgóð og björt með aukinni lofthæð. Parket er á gólfi. Tvöföld svalahurð opnast út á hellulagða verönd til suðurs. 

Svefnherbergisálman er aðgreind frá öðrum hlutum hússins og saman stendur af hjónaherbergi með sérsmíðuðum innréttingum og góðu skápaplássi, tveimur barnaherbergjum og baðherbergi. Baðherbergi er rúmgott, flísalagt í hólf og gólf, með stórri sturtu og baðkari, sérmíðuðum innréttingum frá Axis og Vola blöndunartækjum.

Fyrir liggja samþykktar teikningar af bílsskúr við hægri hlið hússins en gæti þurft að endurnýja samþykkið. Jafnframt fylgir húsinu geymsluskúr og gluggar og hurð í bílsskúrinn. Hleðslustöð er við bílastæði. 

Áhugasömum er bent á að að hafa samband til að panta skoðun. 

Kostnaður kaupanda:
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila. (0.4% við fyrstu kaup einstaklinga).
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar - skv. gjaldskrá lánastofnunar
4. Umsýsluþóknun til fasteignasölu, sbr.kauptilboð.