Berjaholtslækur 7

Kjöreign fasteignasala kynnir fallegt 59 fm sumarhús úr harðviði á steyptri plötu, byggt 2002 ásamt 6 fm áhaldaskúr einnig  á steyptri plötu við Berjaholtslæk 7, Grímsnes-og Grafningshreppi. Húsið stendur á skógivaxinni eignarlóð (0,58 hektara) með miklum og fallegum gróðri og rafmagnspottur er á pallinum. Pallar eru umhverfis húsið á þrjá vegu og oft mikil veðursæld á sumrin. Bústaðurinn getur hentað til heilsárs búsetu, þar er kynding með olíuofnum og heitt vatn úr túbu, hagstætt er að skipta í varmaskiptakerfi. Tvö rúmgóð svefnherbergi eru í húsinu með harðviðarparketi á gólfum. Baðherbergi með sturtu og tengt fyrir þvottavél. Baðherbergið var endurnýjað fyrir 8 árum.  Gott alrými ásamt forstofuherbergi og gangi, gólf eru flotuð.  Eldhúsinnrétting frá Ikea var sett upp fyrir 5 árum ásamt gashellu og ofni, búið að setja upp viftu en á eftir að tengja. Borðplatan er úr marmara og tengi er fyrir uppþvottavél. Gott búr er inn af eldhúsi.  Jötulkamina er í alrými sem hitar mjög vel upp rýmið.
Heimilt er að stækka bústaðinn þannig að hann verði samtals 170 fermetrar að meðtöldum áhaldaskúr.
Rotþró í góðu lagi, þak er byrjað að ryðga á köntum sem þarfnast lagfæringar á einhverjum tímapunkti, þak annars í góðu lagi. Búið er að endurnýja hluta afgluggum. Viðhaldi hefur verið vel sinnt og lóðin sérlega falleg. Virkt félag sumarhúsaeigenda er á svæðinu (sem telur 9 bústaði) og sameiginlegt ytra hlið, en einnig er sérhlið inn á  lóðina. Þá er sameiginlegur landskiki  á svæðinu fyrir alla 9 sumarbústaðina. Göngubrú hefur verið sett yfir lækinn. Snjómokstur er á föstudögum og sunnudögum yfir vetratímann eða eftir þörfum. Árgjald í félagi 30 þús.

Virkilega sjarmerandi hús á fallegum stað í Grímsnesi. Við lóðarmörkin rennur lækur og ýmsar áhugaverðar gönguleiðir má finna í næsta nágrenni. Um 50 mínútna akstur er frá Reykjavík í bústaðinn og stutt í þjónustu á Selfossi. Hentar vel í útleigu vegna staðsetningar á gullna hringnum en auk þess er stutt í útivist eins og veiði og golf.