Fljótsmörk 14

Nýtt í sölu - Fljótsmörk 14 Hveragerði - Bókið skoðun!

Lind fasteignasala / Heimir Hallgrímsson lögg. fasteignasali kynnir afar fallegt og bjart 6-7 herbergja parhús (4-5 svefnherbergi og tvær stofur) á tveimur hæðum á frábærum útsýnisstað við Fljótsmörk 14 í Hveragerði. Húsið er byggt árið 2005 og er alls 193,9 fermetrar að stærð og þar af 26,6 fermetra bílskúr. Sérsmíðaðar eikar einnréttingar og gólfhiti er í öllu húsinu. 

Húsið er afar sjarmerandi og vel skipulagt. Húsið skiptist í forstofu, stóra stofu sem rúmar setustofu og borðstofu, 4-5 svefnherbergi, gestasnyrtingu, baðherbergi, eldhús, rúmgott þvottaherbergi, sjónvarpsstofu/fjölskyldurými og bílskúr. 

Virkilega fallegur og skjólgóður garður sem snýr að mestu til suðurs og vesturs. Afgirt lóð með annars vegar timbur verönd og hins vegar með hellulagðri verönd. Hellulögð stétt fyrir framan hús. Heitur pottur og sjarmerandi gróðurhús á baklóð með vínvið og kirsuberjatré. Staðsetning hússins er afar góð beint á móti grunnskólanum og íþróttahúsinu í Hveragerði. Fallegt útsýni að Reykjafjalli og glæsilegar gönguleiðir við óspillta náttúruna eins og Varmá, Reykjadal og fleiri falleg útivistarsvæði í og við Hveragerði. Öll verslun og þjónusta í göngufjarlægð. Auk þess er sundlaugin í Hveragerði og Lystgarðurinn Fossaflöt nánast í bakgarðinum.

Afhending gæti orðið fljótt.

Nánari lýsing:
Neðri hæð:
Forstofa: Er rúmgóð með flísum á gólfi og góðum skápum.
Þvottaherbergi/geymsla: Er rúmgott og er staðsett inn af forstofu. Flísar á gólfi og góðar innréttingar/skápar. Tengi fyrir þvottavél og þurrkara ásamt glugga til norðurs.
Stofa: Er rúmgóð með gegnheilu parketi á gólfi. Gluggar til suðurs og vesturs. Stofa rúmar vel setustofu og borðstofu. Útgengi á viðarverönd til suðurs og einnig útgengi á hellulagða verönd til vesturs.
Eldhús: Með gegnheilu parketi á gólfi og fallegri eikar eldhúsinnréttingu. Eldhús er opið að hluta við stofu. Flísar á milli skápa og lýsing undir efri skápum. Tveir stál bakaraofnar, stál háfur, tengi fyrir uppþvottavél og keramik helluborð. Gluggi til norðurs með fallegu útsýni að Reykjafjalli.
Svefnherbergi I: Með gegnheilu parketi á gólfi, skápum og glugga til suðurs.
Svefnherbergi II: Staðsett inn af bílskúr. Harðparket á gólfi og gluggar til suðurs.

Efri hæð: Fallegur timburstigi á milli hæða. 
Sjónvarpshol/fjölskyldurými: Er rúmgott, með mikilli lofthæð og gegnheilu parketi á gólfi. Þakgluggar til austurs og vesturs. Útgengi á svalir.
Svalir: Eru stórar og snúa til austurs (falleg morgunsól).
Svefnherbergi III (hjónaherbergi): Með gegnheilu parketi á gólfi. Skápar. Gluggar til vesturs og norðurs. Innbyggð lýsing í loftum. Fallegt útsýni til norðurs að Reykjafjalli.
Svefnherbergi IV: Með gegnheilu parketi á gólfi, skápum/skúffum og gluggum til suðurs og vesturs. Innbyggð lýsing í loftum.
Svefnherbergi V: Með gegnheilu parketi á gólfi, skápum/skúffum og gluggum til suðurs og austurs. Innbyggð lýsing í loftum.
Baðherbergi: Er rúmgott og með flísum á gólfi og veggjum. Baðkar með sturtutækjum og flísalögð sturta. Innrétting við vask og skápar. Upphengt salerni, handklæðaofn og innbyggð lýsing í loftum. Gluggar til norðurs og austurs.

Bílskúr: Er 26,6 fermetrar að stærð. Innangengt er inn í bílskúr í gegnum þvottaherbergi. Málað gólf. Gluggar til suðurs. Í dag er auka svefnherbergið (merkt svefnherbergi II) staðsett inn af bílskúr. Möguleiki að útbúa útleigueiningu í bílskúr.

Staðsetning eignarinnar er afar góð á fjölskylduvænum stað við Fljótsmörk 14 í Hveragerði líkt og greinir nánar hér að ofan. Glæsilegt fjölskylduhús sem vert er að skoða.

Allar nánari upplýsingar veitir Heimir Hallgrímsson lögg. fasteignasali í síma 849-0672 eða á netfanginu heimir@fastlind.is.