Stakkholt 2B

Sunna fasteignasala og Marta Jónsdóttir, lögfr. og lfs., kynna Stakkholt 2b, 105 Reykjavik.

Um er að ræða fallega 3ja herbergja 101 fm íbúð með suður svölum á 1. hæð í nýlegu lyftuhúsi við Stakkholt 2b í Reykjavík. Íbúðinni fylgir stæði í lokaðri bílageymslu, mjög stórar svalir, þvottahús innan íbúðar og geymsla í sameign sem er 7,2 fm.

Nánari lýsing: 
Komið er inn í rúmgóðan forstofugang með tvöföldum fataskáp sem nær upp í loft.
Alrýmið er opið og bjart með stórum gluggum og útgengi út á svalir sem snúa til suðurs. 
Eldhúsið er opið með dökkri viðar innréttingu og hvítum efri skápum með góðu skápaplássi, fallegum háfi, bakarofni og helluborði frá Electrolux, og innbyggðri uppþvottavél.
Svefnherbergin eru tvö, bæði rúmgóð með fataskápum. Hjónaherbergið er með fataskáp á heilum vegg.
Baðherbergið er með rúmgóðri sturtu með sturtugleri, handklæðaofni, hvítri innréttingu, speglaskáp, og upphengdu salerni, 
Þvottahúsið er með innréttingu fyrir bæði þvottavél og þurrkara, og upphengdum snúrum.

Gólfefni eru 8 mm eikarharðparket og flísar eru frá Álfaborg. Innréttingar eru frá Trésmiðju GKS ehf. Eldhústæki eru frá Ormsson og hreinlætistæki eru vönduð og voru innflutt af ÞG-Verk, sem byggði húsið. Innihurðir eru sprautulakkaðar hvítar og hurðir í sameign eru með sérstakri hljóðdempun. Í húsinu eru dyrasímar með myndavél og vandað lyklakerfi. Gluggar og svalahurðir eru ál/tré og eru gluggar glerjaðir með K- gleri sem er sérstaklega hljóðeinangrað gler.
Hurð fyrir bílageymslu er flekahurð úr lituðu stáli. Klæðning á húsinu að utanverðu er viðhaldslétt álklæðning með innbrenndum lit og lerki sem er tvílituð með olíu kjörvara.
Snjóbræðslukerfi er við húsið.

Aðkeyrsla að bílageymslu er beint frá Stakkholti og anddyri hússins er bakvið hús en gengið er að húsinu annaðhvort frá Mjölnisholti eða Stakkholti.
Fallegur snyrtilegur garður með garðbekkjum og leiksvæði er bakvið hús.

Einungis 2 íbúðir eru á hæðinni.
Íbúðin er frábærlega vel staðsett, í göngufæri við verslanir, veitingastaði, og allt það sem miðbærinn býður upp á.
Fasteignamat næsta árs er kr. 90.250.000. 

Nánari upplýsingar veitir Marta Jónsdóttir, lögfr. og lfs. í síma 8633445 og netfanginu marta@sunnafast.is.